ఇక్కడున్న ఫొటోల్ని చూసి ‘అరె అటు మోతీచూర్‌ లడ్డుపైనా, జాంగ్రీ మీదా... ఇటైతే రసమలాయి పైనా అలా దీపాలు పెట్టారేంటీ’ అనుకుంటున్నారా... అయితే మీరు పప్పులో కాలేసినట్టే. ఎందుకంటే ఇవన్నీ కూడా మిఠాయిలు కానేకావు, ఆ రూపంతో ఉన్న కొవ్వొత్తులు. ఇప్పటి వరకూ రకరకాల ఆకారాల్లో వచ్చిన క్యాండిల్స్‌... మన సంప్రదాయ స్వీట్లలానూ ఉంటే బాగుంటాయనుకున్నారేమో తయారీదారులు -  కొవ్వొత్తులకు ఇలా మిఠాయి రూపమిచ్చారు. ఆన్‌లైన్‌ షాపింగ్‌ సైట్లలో అందుబాటులో ఉన్న ఈ స్వీట్‌ క్యాండిల్స్‌ను పండుగలప్పుడో, ఏదైనా ప్రత్యేక సందర్భాల్లోనో వెలిగించామంటే... అటు చూడ్డానికి మనకూ సరదాగానే ఉంటుంది, ఇటు వచ్చిన అతిథులూ కళ్లింతలు చేసుకుని ఆశ్చర్యపోతారు!