సలహాదారులు ఎందరున్నారో ప్రభుత్వానికే తెలియదు

కోర్టు ఆదేశాలతో వివరాల సేకరణ

ఈనాడు, అమరావతి: రాష్ట్ర ప్రభుత్వం గత మూడున్నరేళ్లలో సలహాదారుల్ని ఎంత ఎడా పెడా నియమించిదంటే... ఎంత మంది సలహాదారులు ఉన్నారో ప్రభుత్వానికే తెలియనంత..! అవును వినడానికి వింతగా ఉన్నా ఇది నిజం..! సలహాదారులు ఎంత మంది ఉన్నారో నివేదిక సమర్పించమని హైకోర్టు ఆదేశించడంతో ప్రభుత్వం ఇప్పుడు తీరిగ్గా ఆ లెక్కలు తీస్తోంది. వివిధ శాఖల్లో పనిచేస్తున్న సలహాదారుల వివరాలు సేకరిస్తోంది. సలహాదారుల పేర్లు, హోదా, ఎప్పటి నుంచి పనిచేస్తున్నారు? వారికి ఎంత వేతనం చెల్లిస్తున్నారు? వంటి వివరాలన్నీ క్రోడీకరించి పంపాల్సిందిగా వివిధ శాఖల ఉన్నతాధికారులకు ప్రభుత్వం ఒక ప్రొఫార్మాతో కూడిన సర్క్యులర్‌ పంపించింది.