ఏబీఎస్‌ టెక్నాలజీతో కొత్త ప్లాటినా

దిల్లీ: దేశీయ ద్విచక్ర వాహన తయారీ సంస్థ బజాజ్ ఆటో మరో కొత్త బైక్‌ను మార్కెట్లోకి తీసుకొచ్చింది. తన విజయవంతమైన మోడల్‌ ప్లాటినాకు కొత్త హంగులు జోడించి ప్లాటినా-110 పేరుతో దీన్ని విడుదల చేసింది. 115 సీసీ ఇంజిన్‌తో వస్తున్న ఈ బైక్‌లో యాంటీ లాక్‌ బ్రేకింగ్‌ సిస్టమ్‌ (ఏబీఎస్‌) అందిస్తుండడం ప్రత్యేకత. ట్యూబ్‌లెస్‌ టైర్లతో వస్తున్న ఈ బైక్‌ ధరను రూ.65,920 (ఎక్స్‌ షోరూమ్‌)గా కంపెనీ నిర్ణయించింది.

దేశ రహదారులపై ప్రయాణించే లక్షలాది మంది వాహనదారుల భద్రతను దృష్టిలో ఉంచుకుని ఈ సెగ్మెంట్‌ ఏబీఎస్‌ టెక్నాలజీని తీసుకొచ్చామని బజాజ్‌ ఆటో ప్రెసిడెంట్‌ (డొమెస్టిక్‌ మోటార్‌ సైకిల్‌ యూనిట్‌) సారంగ్‌ కనడే ఓ ప్రకటనలో తెలిపారు. ఇప్పటికే సుమారు 70 లక్షల మంది ప్లాటినాను సొంతం చేసుకున్నారని చెప్పారు.

ఇవీ చదవండి..
అలా చేస్తే రూ. 75కే లీటర్‌ పెట్రోల్‌
ఈపీఎఫ్‌ వడ్డీరేటు 8.5శాతం!