Credit score: క్రెడిట్ స్కోర్ దేనివల్ల దెబ్బతింటుంది?
Credit score: మీ క్రెడిట్ స్కోర్ ఆరోగ్యంగా ఉండేలా చూసుకోవడం చాలా ముఖ్యం. అప్పుడే రుణాలు సులువుగా లభిస్తాయి.
Credit score | ఇంటర్నెట్ డెస్క్: ఈ రోజుల్లో క్రెడిట్ స్కోరును (Credit score) మెరుగ్గా నిర్వహించడం చాలా ముఖ్యం. ఆర్థిక విషయాల్లో ముందుకెళ్లాలంటే ఒక్కోసారి రుణాల మీద ఆధారపడక తప్పని పరిస్థితి. అయితే, ఈ రుణాలు అంత తేలికగా లభించవు. మంచి క్రెడిట్ స్కోరు, ఆర్థిక క్రమశిక్షణ లాంటివి ఈ విషయంలో ప్రధాన పాత్ర పోషిస్తాయి. మెరుగైన క్రెడిట్ స్కోర్ను నిర్వహించడం కష్టం కాకపోయినప్పటికీ.. అందుకు కాస్త కృషి అవసరం. మీ క్రెడిట్ స్కోరు మెరుగ్గా ఉండేలా చూసుకోవడానికి తప్పనిసరిగా నివారించల్సిన కొన్ని తప్పులను ఇక్కడ చూద్దాం..
చెల్లింపులు
క్రెడిట్ కార్డు బిల్లును గడువు తేదీకి ముందే బకాయి మొత్తాన్ని తిరిగి చెల్లించండి. అలా చేయడంలో వైఫల్యం చెందితే మీ క్రెడిట్ స్కోరు దెబ్బతింటుంది. పూర్తి చెల్లింపులు చేయడానికి ఆర్థిక ఇబ్బంది ఉంటే.. మీ క్రెడిట్ స్కోర్పై ప్రభావం పడకుండా, తప్పనిసరి పరిస్థితుల్లో కనీస మొత్తాన్ని చెల్లించడానికైనా ప్రయత్నించండి. అలాగని కనీస మొత్తాన్ని చెల్లిస్తే మీ బాధ్యత తీరిపోదు. కనీస మొత్తాన్ని చెల్లించడం అలవాటు చేసుకుంటే మీ రుణం పూర్తవ్వడానికి నెలలు, సంవత్సరాలు కూడా దాటిపోతుంది. వడ్డీ భారం కూడా తీవ్రంగా ఉంటుంది. అందుచేత, సాధ్యమైనంత త్వరలో మిగిలిన బకాయిలను చెల్లించడానికి నిధులను సిద్ధం చేసుకోవాలి. ఆలస్య చెల్లింపులు, డిఫాల్ట్లు మీ క్రెడిట్ నివేదికలో 7 సంవత్సరాల వరకు ఉంటాయి. కాబట్టి, మీ బిల్లులను సకాలంలో చెల్లించడానికి ఎప్పుడూ ప్రాధాన్యం ఇవ్వండి. అవసరమైతే చెల్లింపుల తేదీలు మరిచిపోకుండా మీ ఫోన్లో క్యాలెండర్ రిమైండర్లు, ఇ-మెయిల్ నోటిఫికేషన్లను సెటప్ చేసుకోండి. బ్యాంకు ద్వారా ‘ఆటోమేట్’ చెల్లింపులకు ప్రయత్నించడం మంచిది.
ఈఎంఐలు
క్రెడిట్ కార్డు బకాయిల మాదిరిగానే, లోన్ ఈఎంఐ డిఫాల్డ్లు కూడా మీ క్రెడిట్ స్కోర్ను తీవ్రంగా దెబ్బతీస్తాయి. ఈఎంఐ డిఫాల్ట్లు మీ క్రెడిట్ రిపోర్ట్లో నమోదవుతాయి. అంతేకాకుండా తరచూ పునరావృతమయ్యే డిఫాల్డ్లు మీ క్రెడిట్ స్కోర్కు కోలుకోలేని నష్టాన్ని కలిగిస్తాయి. భవిష్యత్లో క్రెడిట్ పొందడం మీకు సవాలుగా మారుతుంది. మీ క్రెడిట్ స్కోరు ఆరోగ్యంగా ఉంచడానికి మీ లోన్ ఈఎంఐలను సకాలంలో చెల్లించేలా చూసుకోండి.
కార్డు పరిమితి
మీకు అందుబాటులో ఉన్న నెలవారీ క్రెడిట్ కార్డు పరిమితిని అనేక సార్లు పూర్తిగా ఉపయోగించడం వల్ల మీ క్రెడిట్ స్కోరు దెబ్బతినే అవకాశం ఉంది. సాధారణంగా క్రెడిట్ కార్డు లిమిట్లో 30% మాత్రమే ఉపయోగించుకుంటే మంచిది. దీనికన్నా తరచూ వినియోగం దాటుతుంటే మాత్రం.. మీ క్రెడిట్ స్కోరు కొన్ని పాయింట్లు తగ్గుతుంది. ఈ సమస్యను అధిగమించడానికి క్రెడిట్ కార్డు లిమిట్ను పెంచాలని క్రెడిట్ కార్డు జారీ సంస్థను అభ్యర్థించాలి. మీ అర్హతను బట్టి సాధ్యమైనంత త్వరలో మరొక క్రెడిట్ కార్డును పొంది, రెండు కార్డులు సమానంగా వినియోగించడం వల్ల కార్డు వినియోగ పరిమితిని 30%లోపు తగ్గించుకోవచ్చు.
క్రెడిట్ కార్డు క్లోజ్
క్రెడిట్ కార్డు క్లోజ్ చేస్తే ఏం జరుగుతుందనేది చాలా మందికి తెలియదు. కానీ చాలా మంది వ్యక్తులు తమకు తెలియకుండా చేసే ఒక పెద్ద తప్పు ఇది. ఒకటి కంటే ఎక్కువ కార్డులు కలిగిన వారు ఒక్కోసారి ఎక్కువ కాలం నుంచి ఉపయోగిస్తున్న క్రెడిట్ కార్డును మూసి వేస్తారు. పాత క్రెడిట్ కార్డు మెరుగైన క్రెడిట్ రికార్డును కలిగి ఉన్నప్పుడు.. దీన్ని రద్దు చేయడం వల్ల క్రెడిట్ రికార్డు పోతుంది. ఉదాహరణకు మీరు 5 సంవత్సరాల నుంచి ఒక కార్డు, 2 సంవత్సరాల నుంచి ఒక కార్డు కలిగి ఉంటే.. మీకు సగటున 3.5 సంవత్సరాల క్రెడిట్ ఉన్నట్టు. మీరు 5 సంవత్సరాల పాత కార్డును మూసి వేస్తే, మీ క్రెడిట్ వయసు 2 సంవత్సరాలకు తగ్గుతుంది. అంతేకాకుండా వినియోగం పెరిగినప్పుడు ఖర్చంతా ఒకే కార్డు మీద ఉంటుంది. అలాంటి సందర్భంలో కార్డు వినియోగ పరిమితి (CUR) పెరిగిపోతుంది. ఇది కూడా మళ్లీ క్రెడిట్ స్కోరు తగ్గడానికి కారణమౌతుంది.
అసురక్షిత రుణాలు
మీ పేరు మీద అనేక అసురక్షిత రుణాలు ఉండడం మీ ఆర్థిక నిర్వహణపై ప్రతికూల ప్రభావం పడుతుంది. ఈ బహుళ రుణాల వల్ల ఆర్థిక భారం ఉంటుంది. కాబట్టి, చెల్లింపులు కష్టతరం కావచ్చు. వీటి వల్ల క్రెడిట్ స్కోరు తగ్గుతుంది.
రుణ దరఖాస్తులు
మీరు రుణం కోసం దరఖాస్తు చేసిన ప్రతిసారీ మీ క్రెడిట్ యోగ్యతను చెక్ చేయడానికి రుణ సంస్థ మీ క్రెడిట్ నివేదిక కోసం ఎంక్వైరీ చేస్తుంది. తక్కువ సమయంలో ఎక్కువ సార్లు రుణానికి ప్రయత్నిస్తే.. ఈ ఎంక్వైరీలన్నీ రికార్డవుతాయి. మీ దరఖాస్తులు బ్యాంకులకు కనిపిస్తాయి. ఇది మిమ్మల్ని ఆర్థిక సమస్యలున్న వ్యక్తిగా, క్రెడిట్ కోసం తాపత్రయ పడే వ్యక్తిగా పరిగణిస్తాయి. ఈ అంశం కూడా క్రెడిట్ స్కోరు తగ్గడానికి కారణమవుతుంది. అందుచేత, రుణం కోసం దరఖాస్తు చేసేటప్పుడు అనేక రుణసంస్థల్లో దరఖాస్తు చేయకుండా అన్ని అంశాలను పరిశీలించి ఒకే సంస్థను ఆశ్రయించడం మంచిది.
క్రెడిట్ నివేదికలో తప్పులు
మీ క్రెడిట్ రిపోర్ట్.. ఆర్థిక చరిత్రను ప్రతిబింబించే అద్దం లాంటిది. మీ క్రెడిట్ రిపోర్ట్లో పొరపాట్లు, వ్యత్యాసాలు మీకు సంబంధం లేకుండా జరిగినా మీకే ఇబ్బంది. క్రెడిట్ నివేదికలో రుణ మొత్తం, చెల్లింపుల తేదీలు, బకాయి మొత్తం మొదలైనవి ఉంటాయి. ఒకవేళ మీ క్రెడిట్ నివేదికలో లోన్ రీపేమెంట్ వివరాలు సరిగ్గా నమోదు అవ్వకపోతే.. ఇది మీ క్రెడిట్ స్కోరును తగ్గించే అవకాశం ఉంది. మీ క్రెడిట్ రిపోర్టును క్రమం తప్పకుండా తనిఖీ చేయడం ద్వారా ఇటువంటి తప్పుల గురించి ముందే తెలుసుకుని సరిదిద్దుకోవచ్చు.
రుణ సెటిల్మెంట్
రుణ సెటిల్మెంట్ అంటే... బ్యాంకు రుణ మొత్తంలో కొంత భాగాన్ని తగ్గించి రుణగ్రహీతతో సెటిల్మెంట్ చేసుకుంటుంది. రుణంలో కొంత భాగం చెల్లించనకర్లేదు కాబట్టి, ఇది రుణగ్రహీతకు ఆకర్షణీయంగా కనిపించొచ్చు. కానీ, ఇది మీ క్రెడిట్ స్కోరు, క్రెడిట్ స్థితిని తక్కువ చేస్తుంది. ఇలా సెటిల్మెంట్ చేసుకోవడానికి బదులుగా, రుణాన్ని తీర్చడానికి మరికొద్ది సమయం కావాలని బ్యాంకును కోరితే మంచిది.
యాడ్-ఆన్ కార్డు
యాడ్-ఆన్ కార్డులు అంటే ప్రాథమిక క్రెడిట్ కార్డుకు అనుబంధ కార్డులు. వీటిని జీవిత భాగస్వామికి, పిల్లలకు అనుబంధంగా బ్యాంకులు జారీ చేస్తాయి. ఈ యాడ్-ఆన్ కార్డులు ఎవరు ఉపయోగించినా.. ఎంత ఖర్చు చేసినా ఆ ఖర్చంతా ప్రాథమిక కార్డుదారుడి క్రెడిట్ కార్డులో కలుస్తుంది. ఆ బకాయిని చెల్లించాల్సింది కూడా ప్రైమరీ కార్డు హోల్డరే. కాబట్టి, యాడ్-ఆన్ కార్డుదారులు అధికంగా ఖర్చు పెడితే.. ఆ బకాయిలను తీర్చలేని పరిస్థితిలో ప్రాథమిక కార్డుదారుడి క్రెడిట్ స్కోరు ప్రభావితమవుతుంది.
నగదు అడ్వాన్స్
మీ క్రెడిట్ కార్డుతో ఏటీఎంలో నగదు విత్డ్రా చేయొచ్చు. నగదు విత్డ్రా చేసిన రోజు నుంచి వడ్డీ ప్రారంభమవుతుంది. సాధారణ కొనుగోళ్లకు ఉండే గ్రేస్ పీరియడ్ దీనికి వర్తించదు. అంతేకాకుండా నగదు అడ్వాన్సు రుసుము చెల్లించవలసి ఉంటుంది. ఇది అడ్వాన్స్లో 3-5% వరకు ఉండొచ్చు. ఈ మొత్తానికి వడ్డీ కూడా అధికంగానే ఉంటుంది. నెలకు 3-4% వరకు వడ్డీ ఉండొచ్చు. చాలా మంది ఈ నగదు విత్డ్రా చేసిన తర్వాత చెల్లింపుల విషయంలో డిఫాల్టవుతారు. ఇది కూడా క్రెడిట్ స్కోరు తగ్గడానికి కారణమవుతుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
తీవ్ర వ్యాధుల చికిత్సకు ఆర్థిక భరోసా
అనారోగ్యం ఎప్పుడు ఏ రూపంలో వస్తుందో చెప్పలేం. ఓవైపు పెరుగుతున్న వైద్య చికిత్స ఖర్చులతో కేవలం ఆరోగ్య బీమా పాలసీ ఒక్కటే ఉంటే సరిపోని రోజులివి. -
వేతనంలోఎంత పొదుపు చేయాలంటే
వచ్చిన ఆదాయాన్నంతా ఖర్చు చేస్తే.. భవిష్యత్ లక్ష్యాలను సాధించడం కష్టమవుతుంది. కాబట్టి, పొదుపు, పెట్టుబడులపై దృష్టి పెట్టాల్సిన అవసరం ఉంది. -
ఫిక్స్డ్ డిపాజిట్.. ఈ పత్రాలు ఇచ్చారా?
బ్యాంకులు, బ్యాంకింగేతర ఆర్థిక సంస్థల్లో ఫిక్స్డ్ డిపాజిట్లు ఉన్నాయా? వీటిపై వచ్చే వడ్డీపై మూలం వద్ద పన్ను మినహాయింపు (టీడీఎస్) విధించకుండా ఫారం 15జీ / ఫారం15హెచ్ సమర్పించేందుకు సమయం ఇదే. -
ప్రభుత్వ సంస్థల్లో
ఆదిత్య బిర్లా సన్ లైఫ్ మ్యూచువల్ ఫండ్ కొత్తగా ఒక ఈటీఎఫ్ (ఎక్స్ఛేంజ్ ట్రేడెడ్ ఫండ్) పథకాన్ని తీసుకొచ్చింది. ఆదిత్య బిర్లా సన్ లైఫ్ నిఫ్టీ పీఎస్ఈ ఈటీఎఫ్ అనే ఈ పథకం ఎన్ఎఫ్ఓ ముగింపు తేదీ ఈ నెల 16. కనీస పెట్టుబడి రూ.500. నిఫ్టీ పబ్లిక్ సెక్టార్ ఎంటర్ప్రైజెస్ (పీఎస్) ఇండెక్స్ ఆధారంగా రూపొందించిన ఓపెన్ ఎండెడ్ పథకం ఇది. -
క్రెడిట్ కార్డుల ద్వారా క్యాష్బ్యాక్ ఎలా సంపాదించాలి?
క్యాష్బ్యాక్ క్రెడిట్ కార్డులు మీరు వస్తువులను కొనుగోలు చేయడానికి మీ కార్డు స్వైప్ చేసినప్పుడు కొంత డబ్బును తిరిగి పొందేందుకు ఉపయోగపడతాయి. -
ఒకటి కంటే ఎక్కువ క్రెడిట్ కార్డులున్నాయా? ఈ ప్రయోజనాలు తెలుసా?
Credit cards: సులభంగా క్రెడిట్ కార్డులు జారీ చేస్తుండటంతో చాలా మంది ఒకటి కంటే ఎక్కువ క్రెడిట్ కార్డుల్ని ఉపయోగిస్తున్నారు. వాటిని ఎలా సమర్థంగా వినియోగించాలో తెలుసుకోండిలా.. -
సెక్షన్ 54F.. బంగారం విక్రయించి ఇల్లు కొనుగోలు చేస్తే పన్నుండదు!
Section 54F: వారసత్వంగా వచ్చిన ఆభరణాలను విక్రయించగా వచ్చిన మొత్తాన్ని ఇల్లు కొనుగోలుకు వినియోగిస్తే.. మూలధన లాభాల పన్ను వర్తించదని ఆదాయ పన్ను చట్టం సెక్షన్ 54ఎఫ్ చెబుతోంది. -
ఆరోగ్య బీమా.. ఏ వయసులోనైతే మేలు..?
ఒక వ్యక్తి యుక్త వయసులోనే ఆరోగ్య బీమా పాలసీ తీసుకోవడం వల్ల ప్రీమియం తగ్గింపు సహా అనేక ప్రయోజనాలుంటాయి. అవేంటో తెలుసుకోండి.. -
ఆరోగ్య బీమా అందరికీ అందేలా...
అందరికీ బీమా పాలసీలను అందించాలనే లక్ష్యంతో ఉన్న భారతీయ బీమా నియంత్రణ, అభివృద్ధి ప్రాధికార సంస్థ (ఐఆర్డీఏఐ) ఆరోగ్య బీమా పాలసీ నిబంధనల్లో కీలక మార్పులు తీసుకొచ్చింది. -
మ్యూచువల్ ఫండ్లు..కేవైసీని పూర్తి చేశారా?
ఆర్థిక లక్ష్యాలను సాధించే క్రమంలో పెట్టుబడులు ఎంతో కీలకం. దీర్ఘకాలంలో సంపదను సృష్టించేందుకూ ఇవి అవసరం. చాలామంది మ్యూచువల్ ఫండ్లను ఇందుకు సరైన మార్గంగా నమ్ముతున్నారు. -
పన్ను విధానం ఎంచుకుందామిలా...
ITR: గత ఆర్థిక సంవత్సరంలో ఆర్జించిన ఆదాయానికి పన్ను రిటర్నులు దాఖలు చేసేందుకు తరుణం వచ్చేసింది. ఈ నేపథ్యంలో పన్ను చెల్లింపుదారులు కొత్త, పాత పన్ను విధానంలో దేన్ని ఎంచుకోవాలన్న సందేహంలో ఉన్నారు. -
క్రెడిట్ స్కోరు పెరగాలంటే
బ్యాంకులు, ఆర్థిక సంస్థలు ఒక వ్యక్తికి రుణాన్ని ఇచ్చేటప్పుడు ముఖ్యంగా పరిశీలించేది క్రెడిట్ స్కోరు. రుణగ్రహీత చరిత్ర, అతని అర్హతను తెలుసుకునేందుకూ ఇది ఉపయోగపడుతుంది. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
సెకండ్ హ్యాండ్ లగ్జరీ కారు కొనుగోలు ప్రయోజనమేనా?
నాన్ లగ్జరీ కారు కొనుగోలు కంటే కొద్దిగా ఎక్కువ ఖర్చు చేస్తే అధునాతన ఫీచర్లు గల సెకండ్ హ్యాండ్ లగ్జరీ కారు కొనుగోలు చేయొచ్చు. ఇలాంటి కార్ల కొనుగోలుతో ప్రయోజనాలు ఏమైనా ఉన్నాయా అనేది చూద్దాం. -
జీవిత బీమాలో క్లెయిం సెటిల్మెంట్ ఎలా?
జీవిత బీమా క్లెయిమ్స్ సెటిల్మెంట్ అనేది బీమా సంస్థకు సంబంధించిన ముఖ్యమైన సేవల్లో కీలకమైనది. క్లెయిం సెటిల్మెంట్స్ గురించి ఇప్పుడు తెలుసుకుందాం. -
ఆరోగ్య బీమా కొనుగోలుకు వయో పరిమితి తొలగింపు
ఆరోగ్య బీమా కొనుగోలుకు ఉన్న వయో పరిమితిని ఐఆర్డీఏ తొలగించింది. దీంతో అన్ని వయసుల వారూ బీమా పాలసీని తీసుకునే అవకాశం లభించనుంది. -
ఆదాయపు పన్ను రిటర్నులు ఎప్పుడంటే...
ఆదాయపు పన్ను రిటర్నులు దాఖలు చేసేందుకు వీలుగా సంబంధిత ఐటీఆర్లను ఐటీ శాఖ అందుబాటులోకి తీసుకొచ్చింది. ఇప్పటికే పన్ను చెల్లింపుదారులకు 2023-24 ఆర్థిక సంవత్సరంలో (2024-25 మదింపు సంవత్సరం) మూలం వద్ద పన్ను కోత (టీడీఎస్)కు సంబంధించిన వివరాలను సంక్షిప్త సందేశాల రూపంలో పంపిస్తూ ఉంది -
ఆరోగ్య బీమా ప్రీమియం భారం కాకుండా
ఆర్థిక ప్రణాళికలో ఆరోగ్య బీమా పాలసీ ఎంతో కీలకంగా మారింది. ఊహించని వైద్య ఖర్చులను తట్టుకునేందుకు పూర్తి స్థాయి ఆరోగ్య బీమా పాలసీ అనివార్యం అవుతోంది. -
ఉన్నత చదువులకు భరోసానిద్దాం...
పిల్లల చదువుల ఖర్చులు ఏటా 7-10 శాతం పెరుగుతున్నాయి. మరోవైపు క్షీణిస్తున్న రూపాయి విలువ దీనికి అదనం. ఒకప్పటితో పోలిస్తే పిల్లల ఉన్నత చదువుల ప్రణాళిక ఇప్పుడు క్లిష్టంగా మారింది. -
వెండిలో పెట్టుబడి లాభమేనా?
బంగారం, వెండి.. ఈ రెండు లోహాలతో భారతీయులకు విడదీయలేని సంబంధం ఉంది. ఆభరణాలు, వస్తువుల రూపంలో వీటిని కొనుగోలు చేసేందుకు అందరూ ఆసక్తి చూపిస్తారు -
సరైన బీమా హామీ మొత్తాన్ని ఎలా ఎంచుకోవాలి?
ప్రస్తుత కాలంలో సంపాదించే ప్రతి వ్యక్తికి, ముఖ్యంగా తనపై ఆధారపడిన వారు ఉన్నప్పుడు తగిన జీవిత బీమా మొత్తం ఉండడం ఎంతో అవసరం. ఎంత బీమా ఉంటే కుటుంబ సభ్యులకు సరిపోవచ్చో ఇక్కడ చూడండి.
తాజా వార్తలు (Latest News)
-
భారాస ఎమ్మెల్సీ దండె విఠల్ ఎన్నిక చెల్లదు: హైకోర్టు సంచలన తీర్పు
-
50 గంటల బ్యాటరీ లైఫ్తో నాయిస్ పాప్ బడ్స్.. ధర ఫీచర్లివే..!
-
ఆ ముగ్గురి వల్లే మేం గెలిచాం.. ప్రతి ఓవరూ సవాలే: ట్రావిస్ హెడ్
-
ఈనాడు.నెట్లో టాప్ 10 వార్తలు @ 1 PM
-
హెచ్డీ రేవణ్ణ, ప్రజ్వల్పై కిడ్నాప్, అత్యాచారం కేసులు..
-
పిఠాపురంలో పవన్కే జై.. ముద్రగడ కుమార్తె కీలక వ్యాఖ్యలు