Updated : 02 Oct 2020 12:35 IST

హాథ్రస్‌ కేసు వాదించనున్న నిర్భయ న్యాయవాది

ఆ కుటుంబాన్ని కలిసేందుకు అనుమతించటం లేదు: సీమా కుష్వాహా

హాథ్రస్‌‌: నిర్భయ కేసును వాదించి గెలిపించిన ప్రముఖ మహిళా న్యాయవాది సీమా కుష్వాహా.. హాథ్రస్‌ బాధితురాలి కేసునూ వాదించనున్నట్టు సమాచారం. కాగా, సీమ గురువారం బాధితురాలి కుటుంబాన్ని కలిసే ప్రయత్నం చేశారు. కానీ ఆమెను పోలీసులు దారిలోనే అడ్డుకున్నారు. ఈ సందర్భంగా ఆమె మాట్లాడుతూ ‘‘వారి తరఫున నిలబడి న్యాయం చేయాల్సిందిగా బాధితురాలి కుటుంబ సభ్యులు నన్ను కోరారు. అయితే అధికార యంత్రాంగం వారిని కలిసేందుకు అనుమతించటం లేదు. కానీ ఆ కుటుంబాన్ని కలవకుండా నేను తిరిగి వెళ్లేది లేదు’’ అని మీడియాతో అన్నారు. బాధితురాలి సోదరుడితో తాను సంప్రదింపులు జరుపుతున్నాని ఆమె తెలిపారు.

డిసెంబర్‌ 16, 2012న దిల్లీలో చోటుచేసుకున్న నిర్భయ ఘటనలో సీమా కుష్వాహా బాధితురాలి తరఫున వాదించి ఆ కేసును గెలిపించారు. ఇక హాథ్రస్‌‌ ఘటనలో 19 ఏళ్ల దళిత యువతిపై నలుగురు దాడికి పాల్పడ్డారు. బాధిత యువతి దిల్లీలోని సఫ్దర్‌జంగ్‌ ఆస్పత్రిలో చికిత్స పొందుతూ మరణించింది. ఈ కేసులో ప్రభుత్వం ముగ్గురు సభ్యుల ప్రత్యేక దర్యాప్తు బృందాన్ని ఏర్పాటు చేసింది. కాగా ఆమెపై అత్యాచారం జరిగినట్టు పోస్ట్‌మార్టం నివేదికలో నిర్ధారణ కాలేదని అదనపు డైరక్టర్‌ జనరల్‌ ప్రశాంత్‌ కుమార్‌ తెలిపారు. ఈ కేసులో నలుగురు నిందితులను ఆరెస్టు చేసినట్టు ఆయన వెల్లడించారు.

Read latest Crime News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని