Published : 06/08/2020 15:22 IST

J&K: భాజపా సర్పంచి కాల్చివేత!

గత రెండురోజుల్లో ఇద్దరు సర్పంచులపై కాల్పులు

శ్రీనగర్‌‌: జమ్మూకశ్మీర్‌లో ఉగ్రవాదులు రెచ్చిపోతున్నాయి. కశ్మీర్‌లోని స్థానిక సర్పంచులపై వరుస కాల్పులకు పాల్పడుతున్నారు. తాజాగా కుల్గాం జిల్లాలోని వెస్సూ ప్రాంతానికి చెందిన సర్పంచి సాజద్‌ అహ్మద్‌ ఖాండేపై ఆయన ఇంటి సమీపంలో కాల్పులు జరిపారు. దీంతో తీవ్రగాయాలపాలైన సాజద్‌ను వెంటనే అనంత్‌నాగ్‌లోని జీఎంసీ ఆసుపత్రికి తరలించారు. అనంతరం కొద్దిసేపటికే సాజద్‌ మృతి చెందినట్లు జీఎంసీ వైద్యులు ప్రకటించారు. 

ఇదిలా ఉంటే, గడిచిన రెండు రోజుల్లోనే కుల్గాంలో ఇద్దరు సర్పంచులపై ఉగ్రవాదులు కాల్పులు జరిపారు. ఈ నెల నాలుగో తేదీన ఆరీఫ్‌ అహ్మద్‌ అనే సర్పంచి‌పై ఉగ్రవాదులు కాల్పులు జరపడంతో అతను తీవ్రగాయాలపాలయ్యారు. ఈ ఇద్దరు సర్పంచులు కూడా భారతీయ జనతా పార్టీకి చెందిన నేతలే. అయితే, గత కొంతకాలంగా కుల్గాం, బందీపూర్‌లలో కాంగ్రెస్‌, భాజపా నాయకులపై ఉగ్రదాడులు ఎక్కువయ్యాయి.

Read latest Crime News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని