ద్విచక్రవాహనాల చోరీ ముఠా అరెస్టు

స్వాధీనం చేసుకున్న ద్విచక్రవాహనాలతో పోలీసులు

పాడేరు, న్యూస్‌టుడే: అల్లూరి సీతారామరాజు జిల్లాలోని పాడేరు, జి.మాడుగుల, పెదబయలు మండలాల పరిధిలో ద్విచక్రవాహనాలు చోరీకి పాల్పడుతున్న అంతర్రాష్ట్ర ముఠాను శుక్రవారం అరెస్టు చేసినట్లు పాడేరు సీఐ సుధాకర్‌ తెలిపారు. ఒడిశా రాష్ట్రం మల్కాన్‌గిరి జిల్లా చిత్రకొండ మండలం దగుడుపల్లికి చెందిన ముగ్గురు పాడేరు, జి.మాడుగుల, పెదబయలు పరిధిలో రాత్రి వేళల్లో బయట నిలిపి ఉంచిన వాహనాలను ఎత్తుకెళ్తున్నారు. బాధితుల ఫిర్యాదు మేరకు వీరిపై నిఘా పెట్టి శుక్రవారం అరెస్టు చేశామన్నారు. నిందితుల నుంచి తొమ్మిది బైకులు స్వాధీనం చేసుకున్నామని చెప్పారు. ఎస్సై లక్ష్మణ్‌లు పాల్గొన్నారు.