దళితులకు జగన్‌ అన్యాయం

మాట్లాడుతున్న సీఎం రమేశ్‌, పక్కన అనిత, తెదేపా నేతలు

అనకాపల్లి పట్టణం, న్యూస్‌టుడే: దళితులకు అన్యాయం చేసి దళిత ద్రోహిగా సీఎం జగన్‌మోహన్‌రెడ్డి మారారని అనకాపల్లి పార్లమెంట్ భాజపా అభ్యర్థి సీఎం రమేశ్‌ అన్నారు. అనకాపల్లిలోని ఎంపీ ఎన్నికల కార్యాలయంలో చోడవరం, మాడుగుల నియోజకవర్గాల దళిత సంఘ నాయకులతో గురువారం ఆయన సమావేశమయ్యారు. దళితులకు గత ప్రభుత్వ హయాంలో ఏర్పాటు చేసిన పథకాలను జగన్‌మోహన్‌రెడ్డి రద్దు చేశారన్నారు. వైకాపా హయాంలో దళితులపై దాడులు పెరిగిపోయాయన్నారు. దళిత సంఘ నాయకులు మాట్లాడుతూ చోడవరం, మాడుగుల నియోజకవర్గాల్లో దళితుల పంతం.. వైకాపా అంతం నినాదంతో భారీ స్థాయిలో సమావేశాలు నిర్వహిస్తున్నామని కోరారు. దీనిపై సీఎం రమేశ్‌ మాట్లాడుతూ సమావేశానికి తప్పనిసరిగా వస్తానని తెలిపారు. భాజపా జిల్లా అధ్యక్షులు ద్వారపురెడ్డి పరమేశ్వరరావు, నాయకులు పరుచూరి భాస్కరరావు పాల్గొన్నారు.