అనుమతులు లేకుండా బ్లడ్‌ బ్యాంక్‌ నిర్వహణ

కేసులు నమోదు చేసిన ఔషధ నియంత్రణ శాఖ

తనిఖీల్లో పాల్గొన్న అధికారులు

గుడివాడ గ్రామీణం, న్యూస్‌టుడే: గుడివాడ పట్టణం ఏలూరు రోడ్‌లో గల ఎమ్‌ఎస్‌ఆర్‌ బ్లడ్‌ బ్యాంకుపై ఔషధ నియంత్రణ శాఖ అధికారులు సోమవారం రాత్రి మెరుపు దాడులు నిర్వహించారు. గత నెల 30న బ్లడ్‌ బ్యాంకు నిర్వహణకు అనుమతులు రద్దు అయినప్పటికీ  కార్యకాలాపాలు ఆగలేదని తమకు వచ్చిన సమాచారం మేరకు దాడులు నిర్వహిస్తున్నామని గుడివాడ డ్రగ్‌ ఇన్‌స్పెక్టర్‌ డాక్టర్‌ జె.బాలు తెలిపారు. రక్త నమూనాల సేరకణ, రక్త గ్రూపు, క్రాస్‌ మ్యాచింగ్‌ పరీక్షలు కొనసాగుతున్నాయన్నారు. 12 రక్తం ప్యాకెట్లు, 3 ఖాళీ ప్యాకెట్లను సీజ్‌ చేసి ల్యాబ్‌కు పంపుతున్నామన్నారు. మరికొంత సామగ్రిని కూడా స్వాధీనం చేసుకున్నామన్నారు. మచిలీపట్నం డ్రగ్‌ ఇన్‌స్పెక్టర్‌ ఎం.అరుణ, సిబ్బంది పాల్గొన్నారు.

స్వాధీనం చేసుకున్న రక్తం ప్యాకెట్‌

సీజ్‌ చేసిన సామగ్రి