జాతీయస్థాయి పోటీల్లో బంగారు పతకాలు

పతకాలు, ప్రశంసాపత్రాలు అందుకుంటున్న అమృత, సుప్రియ

శెట్టూరు, న్యూస్‌టుడే: మండలంలోని కనుకూరు ఉన్నత పాఠశాల విద్యార్థినులు అమృత(పదో తరగతి), సుప్రియ(తొమ్మిదో తరగతి) జాతీయస్థాయి టెన్నికాయిట్‌ పోటీల్లో అత్యుత్తమ ప్రతిభ కనబరిచారు. గురువారం విశాఖ జిల్లా అనకాపల్లిలో జరిగిన సబ్‌-జూనియర్‌ జాతీయస్థాయి ఫైనల్స్‌లో తమిళనాడు జట్టుపై విజయం సాధించారు. బంగారుపతకాలు అందుకున్నారని హెచ్‌ఎం ఫిరోజ్‌ఖాన్‌ పేర్కొన్నారు. గ్రూప్‌ విభాగంలో వీరితోపాటు కర్ణాటక విద్యార్థులతో పోటీపడి రజిని(పదో తరగతి) కాంస్యం సాధించినట్లు పేర్కొన్నారు. విద్యార్థులను పీడీ అమరాంజనేయులు, గ్రామస్థులు అభినందనలతో ముంచెత్తారు.