బొమ్మల కొలువు... సృజనకు నెలవు

బొమ్మలు తీర్చిదిద్దుతున్న నాగేశ్వరి

మట్టితో తయారు చేసిన దేవాలయం, వివిధ రకాల పక్షులు, జంతువుల బొమ్మలు, ఆసుపత్రిలో అందించే సేవలతో తయారైన నమూనా, ఏలేరు కాలువ పనులు చేస్తున్న పొక్లెయిన్‌, మట్టితో తయారైన పుట్ట, పూసలతో తయారు చేసిన బొమ్మలు, పిల్లల పార్కు.. చిరు ప్రతిమలతో రూపొందించిన సంప్రదాయ బొమ్మల కొలువు ఆకట్టుకుంది. రాజమహేంద్రవరం వై-జంక్షన్‌ ప్రాంతానికి చెందిన ఎస్‌.నాగేశ్వరి దసరా సందర్భంగా ఇంట్లో బొమ్మల కొలువు ఏర్పాటు చేశారు. భావితరాలకు మన సంస్కృతి, సంప్రదాయాలను పదిలంగా అందించేందుకు ఏటా ఈ కార్యక్రమం నిర్వహిస్తున్నామన్నారు. తన 13వ ఏట అమ్మ ప్రోత్సాహంతో మొదలైన బొమ్మల కొలువు 45 ఏళ్లుగా కొనసాగిస్తున్నామన్నారు.

- న్యూస్‌టుడే, రాజమహేంద్రవరం సాంస్కృతికం

పింగాణి, మట్టితో తయారు చేసిన దేవాలయం