Andhra News: చిక్కీలో పురుగులు

ఎండుగుంపాలెం (నాదెండ్ల), న్యూస్‌టుడే: రాష్ట్ర ప్రభుత్వం అంగన్‌వాడీ కేంద్రాల్లో చిన్నారులకు పంపిణీ చేస్తున్న పౌష్టికాహారం నాణ్యతా లోపంగా తయారైంది. నాదెండ్ల మండలం ఎండుగుంపాలెం ఎస్సీ కాలనీ అంగన్‌వాడీ కేంద్రంలో ఓ లబ్ధిదారుకు ఇచ్చిన వేరుసెనగ చిక్కీ పొట్లాన్ని తెరవగా.. పురుగులు లుకలుకలాడడంతో తల్లిదండ్రులు ఆందోళన చెందారు. ఈ విషయాన్ని సంబంధిత అంగన్‌వాడీ కార్యకర్త దృష్టికి తీసుకెళ్లారు. ఇది శుక్రవారం సామాజిక మాధ్యమాల్లో హల్‌చల్‌ చేసింది. పిల్లలందరికీ సరఫరా చేసిన చిక్కిలన్నీ బాగానే ఉన్నాయని, ఒకదానిలో మాత్రమే పురుగులు కనిపించాయని నాదెండ్ల సీడీపీవో శాంతకుమారి తెలిపారు. దీనిపై విచారించి, చర్యలు తీసుకుంటామన్నారు.