యువనేతపై ఉప్పొంగిన అభిమానం

లోకేశ్‌ తరఫున నామపత్రాల దాఖలు

మంగళగిరిలో భారీ ర్యాలీ

మంగళగిరి, న్యూస్‌టుడే: లోకేశ్‌ తరఫున నామినేషన్‌ పత్రాల సమర్పణ సందర్భంగా గురువారం మంగళగిరిలో జనసేన, భాజపా, తెదేపా, ఎమ్మార్పీఎస్‌ శ్రేణులు భారీ ప్రదర్శన నిర్వహించారు. జై లోకేశ్‌.. జైజై లోకేశ్‌ నినాదాలతో పట్టణమంతా మార్మోగింది. వీధులన్నీ అభిమానులతో కిటకిటలాడాయి. పాత మంగళగిరి సీతారామ కోవెల నుంచి ఊరేగింపు ప్రారంభమైంది. తొలుత లోకేశ్‌ విజయాన్ని కాంక్షిస్తూ సర్వమత ప్రార్థనలు చేశారు. యువత, మహిళలు, వృద్ధులు, రాజధాని రైతులు, చేనేత వర్గాలవారు మండుటెండను సైతం లెక్కచేయకుండా ర్యాలీలో పాల్గొన్నారు. యువకులు ద్విచక్ర వాహనాలతో సందడి చేశారు. డప్పు వాయిద్యాలు, నృత్యాల నడుమ ర్యాలీ స్థానిక బోసుబొమ్మ, హుస్సేన్‌ కట్ట, మిద్దె సెంటర్‌, గౌతమ బుద్ధా రోడ్డు మీదుగా తాడేపల్లి మున్సిపల్‌ కార్పొరేషన్‌ భవనంలోని ఆర్వో కార్యాలయానికి చేరింది.  నేతలు నందం అబద్దయ్య, పోతినేని శ్రీనివాసరావు, చిల్లపల్లి శ్రీనివాసరావు, పంచుమర్తి ప్రసాద్‌, తాడేపల్లి, అనుబంధ సంఘాల నాయకులు పాల్గొన్నారు.

ఐక్యత చాటుతున్న తెదేపా, జనసేన, భాజపా నాయకులు

వృద్ధురాలి ఉత్సాహం