మనస్తాపంతో లారీ డ్రైవర్‌

రామాయంపేట, న్యూస్‌టుడే: ఆర్థిక ఇబ్బందులతో మనస్తాపానికి గురైన ఓ లారీ డ్రైవర్‌ ఉరివేసుకుని ఆత్మహత్య చేసుకున్న సంఘటన రామాయంపేట పట్టణంలో సోమవారం వెలుగు చూసింది. ఎస్‌ఐ రాజేష్‌ వివరాల ప్రకారం మెదక్‌ మండల ఔరంగాబాద్‌ గ్రామానికి చెందిన చాకలి నాగరాజు (34) తన భార్య లక్ష్మితో కలిసి సుమారు ఆరేళ్ల క్రితం ఉపాధి నిమిత్తం రామాయంపేటకు వచ్చారు. ఈ క్రమంలో స్థానికంగా ట్రాన్స్‌ పోర్టులో డ్రైవరుగా పనిచేస్తూ జీవనం సాగిస్తున్నారు. పోషణ భారమై మనస్తాపానికి గురై ఈ నెల 5న రాత్రి తన భార్యతో చెప్పి బాధపడ్డారు. ఆమె నిద్రించిన తరువాత ఇంట్లోనే చీరతో ఉరివేసుకుని ఆత్మహత్య చేసుకున్నాడు. ఆమె ఉదయం నిద్రలేచి చూసే సరికి విషయం వెలుగుచూసింది. మృతుని తండ్రి నారాయణ ఇచ్చిన ఫిర్యాదు మేరకు కేసు నమోదు చేసినట్లు ఎస్‌ఐ తెలిపారు. వీరికి ఓ కుమార్తె ఉంది.