ఏటీఎంలలో చోరీకి యత్నం.. ముగ్గురి రిమాండ్‌

ఉస్మానియా యూనివర్సిటీ, న్యూస్‌టుడే: ఏటీఎంలలో చోరీలకు యత్నించిన ముగ్గురు నిందితులను ఓయూ పోలీసులు అరెస్టు చేసి రిమాండ్‌ చేశారు. మంగళవారం ఓయూలో కాచిగూడ ఏసీపీ శ్రీనివాస్‌ మాట్లాడుతూ.. సోమవారం హబ్సిగూడ వద్ద తనిఖీలు చేస్తున్నప్పుడు ద్విచక్రవాహనంపై వస్తున్న ముగ్గురిపై అనుమానంతో స్టేషన్‌కు తీసుకొచ్చి విచారించగా నాలుగు ఏటీఎంలలో చోరీలకు ప్రయత్నించినట్లు నేరాన్ని అంగీకరించారన్నారు. ఈనెల 12, 13 తేదీల్లో ఓయూ, చిలకలగూడ, నాచారం, ఉప్పల్‌ ఠాణా పరిధిలో ఏటీఎంలలో చోరీలకు విఫలయత్నం చేశారు. నిందితులలో ఒక మైనర్‌ ఉండగా, ఉప్పల్‌కు చెందిన ముక్కపాటి మనోహర్‌(22), తాడూరీ దీపక్‌(19) ఉన్నారు. వారి నుంచి ఓ ద్విచక్ర వాహనం, ఐదు ఫోన్లు, స్క్రూ డ్రైవర్‌ తదితర వస్తువులను స్వాధీనం చేసుకున్నారు. ఇన్‌స్పెక్టర్‌ రమేష్‌నాయక్‌, డీఐ పి.ఆంజనేయులు ఉన్నారు.