బీసీ డిగ్రీ గురుకులాల్లో ప్రవేశాలకు దరఖాస్తుల ఆహ్వానం

ఖమ్మం సంక్షేమవిభాగం, న్యూస్‌టుడే: రాష్ట్ర ప్రభుత్వం నూతనంగా ఏర్పాటు చేసిన బీసీ డిగ్రీ గురుకులాల్లో 2022-23 విద్యాసంవత్సరంలో ప్రవేశాల కోసం దరఖాస్తులను ఆహ్వానిస్తున్నట్లు ఆర్సీవో జ్యోతి మంగళవారం ఓ ప్రకటనలో తెలిపారు. ఉమ్మడి జిల్లాలో బాలికల కోసం ఒక డిగ్రీ కళాశాల ఏర్పాటు చేశామని వివరించారు. ఈ నెల 10లోగా ఆన్‌లైన్‌లో దరఖాస్తు చేసుకోవాలని సూచించారు. ఇంటర్‌ మార్కుల ఆధారంగా ఎంపిక ఉంటుందన్నారు.

10న పార్ట్‌ టైం అధ్యాపకుల ఎంపిక పరీక్ష

భద్రాచలం, న్యూస్‌టుడే: గిరిజన గురుకుల జూనియర్‌ కళాశాలల్లో ఖాళీగా ఉన్న అధ్యాపకుల పోస్టులను పార్ట్‌ టైం పద్ధతిలో భర్తీ చేసేందుకు చర్యలు చేపట్టినట్లు ఐటీడీఏ పీవో గౌతమ్‌, ఇంఛార్జి ఆర్సీవో డేవిడ్‌రాజ్‌ మంగళవారం ఓ ప్రకటనలో తెలిపారు. ఖమ్మం, భద్రాద్రి జిల్లాల్లో కొన్ని ఇంటర్మీడియట్‌ కళాశాలలు ఇటీవల అప్‌గ్రేడ్‌ అయ్యాయని వాటిల్లో ఈ నియామకాలుంటాయని చెప్పారు. ఇప్పటికే దరఖాస్తు చేసుకున్న అభ్యర్థులకు 10న మధ్యాహ్నం ఒంటి గంట నుంచి 2 గంటల వరకు స్క్రీనింగ్‌ పరీక్ష ఉంటుందని వెల్లడించారు. దరఖాస్తు చేసుకున్నచోటే ఎంపిక పరీక్ష ఉంటుందని, గుండాలలో దరఖాస్తు చేసిన వారికి మాత్రం సుదిమళ్లలో పరీక్ష ఉంటుందని వివరించారు.