ఘనంగా నారా లోకేశ్ జన్మదిన వేడుకలు

సి.బెలగళ్‌ : మండల కేంద్రమైన సి.బెలగళ్‌లోని ఉద్యాన వనంలో తెదేపా మాజీ కన్వీనర్ పాండు రంగన్న గౌడ్‌ ఆధ్వర్యంలో ఆ పార్టీ జాతీయ ప్రధాన కార్యదర్శి నారా లోకేశ్ జన్మదిన వేడుకలు ఘనంగా నిర్వహించారు. ఈ సందర్భంగా కేక్‌ కట్‌ చేసి, మండల నాయకులు, కార్యకర్తలకు కేక్‌ ఒకరికొకరు తినిపించుకున్నారు. పార్టీ బలోపేతానికి నారా లోకేశ్ విశేషంగా కృషి చేస్తున్నారని కొనియాడారు. అంతకుముందు ఉద్యానవనంలోని ఎన్టీఆర్‌ విగ్రహానికి పూలమాల వేసి నివాళులర్పించారు. ఈ కార్యక్రమంలో మాజీ జడ్పీటీసీ చంద్రశేఖర్‌, ఎంపీటీసీ రవికుమార్, జనరల్‌ సెక్రటరీ నాగరాజు, తిమ్మదొడ్డి కర్రెన్న, దుడ్డన్న తదితర నాయకులు, కార్యకర్తలు పాల్గొన్నారు.