బిందెడు నీటికి ఎన్ని బాధలో..

న్యూస్‌టుడే, పార్వతీపురం: పార్వతీపురం మండలంలోని చినబొండపల్లిలో పరిస్థితి ఇది. గ్రామంలో ఇంటికో కుళాయి వేశారు. డి.శిర్లాం పైలెట్‌ ప్రాజెక్టు నుంచి నీరు సరఫరా చేసేవారు. కానీ రోడ్డు విస్తరణలో భాగంగా పైపులు దెబ్బతిన్నాయి. పునరుద్ధరణ జరిగినా పూర్తిస్థాయిలో అమర్చకపోవడంతో గతంలో ఉన్న ట్యాంకు నుంచి సరఫరా చేసేందుకు నిర్ణయించారు. కానీ సరిపడా నీరు రాకపోవడంతో ప్రజలు ఇలా రోడ్డెక్కి బిందెలతో నీటి కోసం తంటాలు పడుతున్నారు. గ్రామంలో ఓ పైపు వద్ద లీకవుతున్న నీరు పట్టుకునేందుకు పడిగాపులు కాస్తున్నారు.  దీనిపై ఆర్‌డబ్ల్యూఎస్‌ ఏఈ బసవరాజు వద్ద ప్రస్తావించగా.. పైపులు పాడయ్యాయని, మరమ్మతులు చేస్తున్నామని తెలిపారు. మంగళవారం సమస్య పరిష్కరిస్తామన్నారు.