స్ట్రాంగ్‌ రూంలు సిద్ధం చేయండి

మాట్లాడుతున్న కలెక్టర్‌ నాగలక్ష్మి, చిత్రంలో జేసీ, డీఆర్వో తదితరులు

విజయనగరం ఉడాకాలనీ, న్యూస్‌టుడే: ఓట్ల లెక్కింపు కేంద్రాల వద్ద స్ట్రాంగ్‌ రూంలను సిద్ధం చేయాలని జిల్లా ఎన్నికల అధికారి, కలెక్టర్‌ నాగలక్ష్మి ఆదేశించారు. మంగళవారం కలెక్టరేట్‌లో స్ట్రాంగ్‌ రూంలు, లెక్కింపు కేంద్రాలు, రిసెప్షన్‌ సెంటర్లలో ఏర్పాట్లపై నోడల్‌, వివిధ శాఖల అధికారులతో సమీక్ష నిర్వహి ంచారు. ప్రత్యేక కౌంటర్‌లో ఈవీఎంలు, సాధారణ కౌంటర్లలో ఇతర ఎన్నికల సామగ్రిని భద్రపరచాలని, వేసవిని దృష్టిలో ఉంచుకుని అన్ని ఏర్పాట్లు చేయాలన్నారు. విద్యుత్తు సరఫరాకు అంతరాయం లేకుండా చూడాలని, గేటు వద్దే హెల్ప్‌ డెస్క్‌లు ఏర్పాటు చేయాలని సూచించారు. జేసీ కార్తీక్‌, సహాయ కలెక్టర్‌ వెంకట త్రివినాగ్‌, డీఆర్వో అనిత, ఆర్డీవో సూర్యకళ పాల్గొన్నారు.