బీసీ జాబితాలో చేర్చాలి

చంద్రబాబుకు తెలగ సంఘం నాయకుడి వినతి

పలాస, న్యూస్‌టుడే: ఆర్థికంగా, సామాజికంగా, రాజకీయంగా విద్య, ఉపాధిలో వెనుకబడిన తెలగ కులాన్ని బి.సి.జాబితాలో చేర్చేలా చూడాలని తెలగ సంఘం ఉత్తరాంధ్ర  ఉద్యమనేత పల్లంట్ల వెంకటరామారావు విన్నవించారు. పలాసలో తెదేపా జాతీయ పార్టీ అధ్యక్షుడు నారా చంద్రబాబునాయుడిని కలసి మంగళవారం వినతిపత్రం అందించారు. తప్పకుండా పరిశీలన చేసి న్యాయం చేసేందుకు చర్యలు తీసుకుంటామని హామీ ఇచ్చారని తెలిపారు.

తెదేపాలోకి దానేటి.. సూర్యతేజ విద్యాసంస్థల డైరక్టర్‌ దానేటి పద్మజి వైకాపానుంచి తెదేపాలో చేరారు. పలాసలో తెదేపా జాతీయ అధ్యక్షుడు నారా చంద్రబాబు ఆమెను ఆహ్వానించారు.