పుష్ప ప్రదర్శన నేటి నుంచి

టీనగర్‌, న్యూస్‌టుడే: మాజీ ముఖ్యమంత్రి కరుణానిధి జయంతిని పురస్కరించుకుని చెన్నై తేనాంపేట కెథిడ్రల్‌ రోడ్‌లోని సెమ్మొళి పార్కులో పుష్ప ప్రదర్శన నిర్వహించనున్నారు. శనివారం ప్రారంభం కానున్న ఈ ప్రదర్శన 5వ తేదీ వరకు జరుగనుంది. ఉదయం 9- రాత్రి 8 గంటల వరకు సందర్శకులను అనుమతించనున్నారు. ఊటీ, మైసూరు సహా పలు ప్రాంతాల నుంచి రకరకాల పూలను వేల సంఖ్యలో తీసుకొచ్చి వివిధ రూపాలను కళాకారులు అందంగా తీర్చిదిద్దారు. ఉద్యాన శాఖ తరపున శనివారం నుంచి మూడు రోజులపాటు నిర్వహించే ఈ ప్రదర్శనను వీక్షించేందుకు పెద్దలకు రూ.50, పిల్లలకు రూ.20 వంతున రుసుముగా నిర్ణయించారు.

పువ్వులతో వివిధ రూపాలను తీర్చిదిద్దుతున్న కళాకారులు