Trisha: మన్సూర్‌ అలీఖాన్‌పై చర్యలు చేపట్టొద్దు: నటి త్రిష

ప్యారిస్, న్యూస్‌టుడే: మన్సూర్‌ అలీఖాన్‌పై చర్యలు చేపట్టొద్దని నటి త్రిష కోరింది. అలీఖాన్‌ కొద్దిరోజుల కిందట త్రిషపై వివాదాస్పద వ్యాఖ్యలు చేశారు. ఈ వీడియో సామాజిక మాధ్యమాల్లో వైరల్‌గా మారింది. జాతీయ మహిళా కమిషన్‌ సుమోటోగా విచారణకు తీసుకుని ఆయనపై చర్యలు చేపట్టాలని రాష్ట్ర డీజీపీకి ఉత్తర్వులు ఇచ్చింది. థౌజండ్‌ లైట్‌ ఆల్‌ ఉమెన్‌ పోలీసులు కేసు నమోదు చేశారు. సమన్లు పంపడంతో ఆయన పోలీస్‌స్టేషన్‌లో దర్యాప్తునకు హాజరయ్యారు. ఈ నేపథ్యంలో మన్సూర్‌ అలీఖాన్‌ వ్యాఖ్యలపై త్రిష తరఫున రాతపూర్వక వివరణ కోరుతూ పోలీసులు లేఖ పంపారు. మన్సూర్‌ అలీఖాన్‌ క్షమాపణ చెప్పడంతో ఆయనపై తదుపరి చర్యలు చేపట్టొద్దని త్రిష తరఫున జవాబు అందినట్లు పోలీసులు పేర్కొన్నారు.