గంగవరం పోర్టులో అమలుకాని కార్మిక చట్టాలు

మాట్లాడుతున్న సీపీఐ రాష్ట్ర సహాయకార్యదర్శి జె.వి.సత్యనారాయణమూర్తి, చిత్రంలో జిల్లా కార్యదర్శి ఎం.పైడిరాజు

అల్లిపురం, న్యూస్‌టుడే: అదానీ గంగవరం పోర్టు కార్మికుల న్యాయమైన డిమాండ్లను వెంటనే నెరవేర్చాలని సీపీఐ రాష్ట్ర సహాయకార్యదర్శి జె.వి.సత్యనారాయణమూర్తి డిమాండ్‌ చేశారు. అల్లిపురం దరి సీపీఐ కార్యాలయంలో గురువారం ఆయన విలేకరుల సమావేశంలో మాట్లాడారు. గంగవరం పోర్టులో కార్మిక చట్టాలు అమలు కావడం లేదన్నారు. కలెక్టర్‌ మల్లికార్జున సమక్షంలో కుదరిన ఒప్పందాన్ని యాజమాన్యం తుంగలో తొక్కిందన్నారు. ఉక్కులో కోకో ఓవెన్‌ బ్యాటరీలకు కుకింగ్‌ కోల్‌ సరఫరా తగ్గితే కార్బన్‌ మోనాక్సైడ్‌ వాయువు వెలువడే ప్రమాదం ఉందన్నారు. ఇదే జరిగితే చుట్టుపక్కల ప్రజల ప్రాణాలకు ముప్పు వాటిల్లుతుందన్నారు. సీపీఐ జిల్లా కార్యదర్శి ఎం.పైడిరాజు, ఏఐటీయూసీ జిల్లా అధ్యక్షుడు మన్మథరావు, ప్రధాన కార్యదర్శి జి.ఎస్‌.జె.అచ్యుతరావు, ఉపాధ్యక్షుడు కసిరెడ్డి సత్యనారాయణ తదితరులు పాల్గొన్నారు.