ఎన్నికల్లో పోలీసుల పాత్ర కీలకం

మాట్లాడుతున్న దీపక్‌మిశ్రా, చిత్రంలో కలెక్టర్‌, ఎస్పీ, ఉన్నతాధికారులు

భీమవరం అర్బన్‌, న్యూస్‌టుడే: ఎన్నికల నిర్వహణలో పోలీసుల పాత్ర ఎంతో కీలకమని ప్రత్యేక పరిశీలకుడు, విశ్రాంత ఐపీఎస్‌ అధికారి దీపక్‌మిశ్రా అన్నారు. లా అండ్‌ ఆర్డర్‌ అదనపు డీజీ శంఖబ్రత బాగ్చీ, పార్లమెంటు నియోజకవర్గ పోలీసు పరిశీలకుడు శైలేష్‌కుమార్‌ సిన్హా, ఏలూరు రేంజి ఐజీ అశోక్‌కుమార్‌, కలెక్టర్‌ సుమిత్‌కుమార్‌, ఎస్పీ అజిత తదితరులతో కలిసి మంగళవారం కలెక్టరేట్‌లో నిర్వహించిన సమావేశంలో ఆయన మాట్లాడారు. ఎన్నికల విధులకు వన్నె తెచ్చేలా పోలీసులంతా పని చేయాలని సూచించారు. వివిధ బృందాల పనితీరు గురించి ఆయనకు కలెక్టర్‌ వివరించారు. జిల్లాలో చెక్‌పోస్టుల ఏర్పాటు, భద్రతా పర చర్యల  గురించి ఎస్పీ అజిత వివరించారు. అనంతరం కలెక్టరేట్‌లో కంట్రోల్‌ కేంద్రాన్ని పరిశీలకులు పరిశీలించారు. అదనపు ఎస్పీ భీమారావు, ఏటీవీ రవికుమార్‌, శిక్షణ ఉపకలెక్టర్‌ సంగీత్‌మాధుర్‌  పాల్గొన్నారు.