మ్యానిఫెస్టో ప్రకటించిన లిబరేషన్‌ కాంగ్రెస్‌ పార్టీ

ఈనాడు డిజిటల్‌, తిరుపతి: రానున్న తరాలకు బంగారు బాటలు వేయడమే తమ ఎన్నికల మ్యానిఫెస్టో ధ్యేయమని లిబరేషన్‌ కాంగ్రెస్‌ వ్యవస్థాపకుడు, పార్టీ తిరుపతి ఎంపీ అభ్యర్థి విజయ్‌కుమార్‌ (రిటైర్డు ఐఏఎస్‌) తెలిపారు. బుధవారం తిరుపతిలో పార్టీ ఎన్నికల మ్యానిఫెస్టోను ఆయన ఆవిష్కరించారు. ‘అష్టపథం-అధిక జనుల అభివృద్ధికే’ పేరుతో విడుదల చేసిన ఎన్నికల హామీలను అధికారంలోకి రాగానే వంద శాతం అమలు చేస్తామని ఆయన హామీనిచ్చారు. పేదరిక విముక్తి, విశ్వవిద్య, విశ్వవైద్యం, మహిళా శిశువికాసం, యువతకు భవిత, రైతన్నకు జవసత్వాలు, సుస్థిర అభివృద్ధి-ఆర్థిక పరిపుష్టి, స్వపరిపాలన అనే ఎనిమిది అంశాల ప్రాతిపదికన హామీలను ప్రకటించారు.