ఈనాడు, కడప: కాంగ్రెస్‌ పార్టీ నాయకుడు రాహుల్‌గాంధీ ఈ నెల 7న కడపకు రానున్నారు. పీసీసీ అధ్యక్షురాలు, పార్టీ కడప ఎంపీ అభ్యర్థి వైఎస్‌ షర్మిలకు మద్దతుగా నిర్వహించే బహిరంగసభలో ఆయన పాల్గొంటారు. ఈ మేరకు ఏఐసీసీ నుంచి గురువారం సమాచారం అందింది. తెలంగాణ ముఖ్యమంత్రి రేవంత్‌రెడ్డి, కర్ణాటక ఉప ముఖ్యమంత్రి డీకే శివకుమార్‌ సైతం ఎన్నికల ప్రచారానికి రానున్నట్లు కాంగ్రెస్‌ వర్గాలు తెలిపాయి.

ఇసుక దోపిడీలో జగన్‌ వాటా రూ.50 వేల కోట్లు: కొనకళ్ల

ఈనాడు, అమరావతి: రాష్ట్రంలో 110 ఇసుక రీచ్‌లకు అనుమతులుంటే వైకాపా నేతలు 500 రేవుల్లో అనధికారికంగా తవ్వకాలు చేస్తున్నారని తెదేపా నేత కొనకళ్ల నారాయణ మండిపడ్డారు. ఇసుక దోపిడీలోనే జగన్‌ వాటా రూ.50 వేల కోట్లని ఆరోపించారు.మంగళగిరిలోని తెదేపా కార్యాలయంలో ఆయన విలేకరులతో మాట్లాడారు.