పెరిగిన నిరుద్యోగ రేటు

దిల్లీ: దేశంలో నిరుద్యోగ రేటు ఫిబ్రవరిలో 7.78 శాతం మేర పెరిగిందని సెంటర్‌ ఫర్‌ మానిటరింగ్‌ ఇండియన్‌ ఎకానమీ (సీఎంఐఈ) వెల్లడించింది. గతేడాది అక్టోబర్‌ నుంచి చూస్తే ఇది అత్యధికమని పేర్కొంది. ఈ మేరకు ఆ సంస్థ ఫిబ్రవరి నెల గణాంకాలను విడుదల చేసింది. ఈ ఏడాది ఫిబ్రవరిలో దేశ వ్యాప్తంగా 7.78 శాతం నిరుద్యోగ రేటు నమోదయినట్లు ప్రకటించింది. జనవరి నెలలో 7.16 శాతం నిరుద్యోగ రేటు ఉండగా ఒక నెలలో అది 0.62 శాతం పెరిగిందని వెల్లడించింది. నిరుద్యోగం ప్రస్తుతం భారత్‌లో నెలకొన్న ఆర్థిక మందగమనాన్ని ప్రతిబింబిస్తోందని ఆ సంస్థ పేర్కొంది. ఆసియాలోనే మూడో అతి పెద్ద ఆర్థికవ్యవస్థగా ఉన్న భారత్‌ ఆర్థికంపై కరోనా ప్రభావం ఉంటుందని అంచనా వేసింది.