జాఫ్నా-నాగపట్నం మధ్య 13 నుంచి ప్రయాణికుల నౌకలు

కొలంబో: భారత్‌-శ్రీలంక మధ్య ప్రయాణికుల నౌకల రాకపోకలు ఈ నెల 13 నుంచి పునఃప్రారంభం కానున్నాయి. తమిళనాడులోని నాగపట్నం నుంచి శ్రీలంక ఉత్తర ప్రావిన్సులోని జాఫ్నా జిల్లాలో ఉన్న కంకేసంతురాయ్‌ పట్టణానికి ఇవి రాకపోకలు చేస్తాయి. రెండింటి మధ్య దూరం 111 కిలోమీటర్లు (60 నాటికల్‌ మైళ్లు). నౌకలో ప్రయాణ సమయం మూడున్నర గంటలు. శ్రీలంక ప్రభుత్వంతో సంప్రదించిన మీదట ‘షిప్పింగ్‌ కార్పొరేషన్‌ ఆఫ్‌ ఇండియా’ ఒక ప్రైవేటు ఆపరేటర్‌ను ఫెర్రీ సర్వీసు కోసం ఎంపిక చేసింది. 40 ఏళ్ల విరామం తర్వాత గత ఏడాది అక్టోబరులోనే నౌకల సేవలు అందుబాటులోకి వచ్చినా ప్రతికూల వాతావరణం వల్ల కొన్నిరోజుల తర్వాత నిలిపివేశారు.