IAF MiG-21: కూలిన యుద్ధ విమానం.. పైలట్‌ సురక్షితం

బర్మార్ (రాజస్థాన్‌): భారత వాయు సేనకు (IAF) చెందిన మిగ్‌-21 బైసన్‌ యుద్ధ విమానం ప్రమాదశవశాత్తూ కూలిపోయింది. రాజస్థాన్‌లోని బర్మార్‌ వద్ద బుధవారం సాయంత్రం ఈ ఘటన జరిగింది. సాంకేతికంగా లోపం వల్ల ఈ ఘటన జరిగిందని, పైలట్‌ సురక్షితంగా ప్రాణాలతో బయటపడినట్లు ఐఏఎఫ్‌ తెలిపింది. దీనిపై విచారణకు ఆదేశించినట్లు పేర్కొంది. శిక్షణ సమయంలో ఈ ఘటన చోటుచేసుకుంది.

ఈ ఏడాది మే నెలలో సైతం మిగ్‌-21 బైసన్‌కు చెందిన విమానమొకటి పంజాబ్‌లోని మోఘా జిల్లాలో కుప్పకూలింది. ఈ ఘటనలో పైలట్‌ మరణించారు. మధ్యప్రదేశ్‌లోని గ్వాలియర్‌లో ఈ ఏడాది మార్చిలో జరిగిన మరో ఘటనలో పైలట్‌ సురక్షితంగా బయటపడ్డారు.