Acharya: చిరంజీవి- రామ్‌చరణ్‌.. ‘సిరుత పులుల సిందాట’

ఇంటర్నెట్‌ డెస్క్‌: చిరంజీవి, రామ్‌ చరణ్‌ కలిసి నటించిన చిత్రం ‘ఆచార్య’. ఇందులో వీరిద్దరిపై చిత్రీకరించిన ‘భలే భలే బంజారా.. సిరుత పులుల సిందాట’ పాటను ఏప్రిల్‌ 18న విడుదల చేస్తున్నట్టు చిత్ర బృందం ఇటీవల ప్రకటించింది. ఆ పాట ఎలా ఉంటుందో తాజాగా కాస్త రుచి చూపించింది. ఆ పాట ప్రోమోను సోషల్‌ మీడియా వేదికగా విడుదల చేసింది. చిరు- చరణ్‌ డ్యాన్స్‌ అద్భుతంగా చేసినట్టు ఈ వీడియో చూస్తే అర్థమవుతోంది. రామజోగయ్య శాస్త్రి రచించిన ఈ పాటను శంకర్‌ మహదేవన్‌, రాహుల్‌ సిప్లిగంజ్‌ ఆలపించారు. మణిశర్మ స్వరాలందించారు. కొరటాల శివ దర్శకత్వం వహించిన ఈ సినిమా ఏప్రిల్‌ 29న ప్రేక్షకుల ముందుకురానుంది.