anupama parameswaran: ధ్రువ్‌ విక్రమ్‌తో అనుపమ ఆట

ధ్రువ్‌ విక్రమ్‌ ఓ జీవిత కథలో నటించనున్నారు. మారి సెల్వరాజ్‌ తెరకెక్కించనున్న ఈ సినిమాని అప్లాజ్‌ ఎంటర్‌టైన్‌మెంట్‌, నీలమ్‌ స్టూడియోస్‌ సంస్థలు సంయుక్తంగా నిర్మించనున్నాయి. ఇందులో ధ్రువ్‌కు జోడీగా అనుపమ పరమేశ్వరన్‌ నటించనుంది. ఈ ప్రాజెక్ట్‌ను మంగళవారం అధికారికంగా ప్రకటించారు. కబడ్డీ క్రీడాకారుడు మానతి పి.గణేశన్‌ జీవితంలో జరిగిన వాస్తవ సంఘటనల్ని ఆధారం చేసుకుని ఈ చిత్రం రూపొందిస్తున్నారు. ఆ పాత్రనే తెరపై ధ్రువ్‌ పోషించనున్నారు. ఇందుకోసం ఇప్పటికే ఆయన కబడ్డీ ఆటలో ప్రత్యేక శిక్షణ తీసుకున్నారు. ఈనెల నుంచే రెగ్యులర్‌ చిత్రీకరణ మొదలు కానుంది. టైటిల్‌తో పాటు మరిన్ని వివరాలు త్వరలో వెల్లడించనున్నారు.