Avikagor: స్టేజ్‌పై కన్నీరు పెట్టుకున్న అవికాగోర్‌

హైదరాబాద్‌: తెలుగు సినీ ప్రేక్షకులు తనపై చూపిస్తోన్న ప్రేమాభిమానాన్ని గుర్తు చేసుకుని కన్నీరు పెట్టుకున్నారు నటి అవికాగోర్‌ (Avika Gor). తొలిసారి ఆమె నిర్మాతగా వ్యవహరించిన ‘పాప్‌కార్న్‌’ ట్రైలర్‌ విడుదల కార్యక్రమంలో ఆమె భావోద్వేగానికి గురయ్యారు.

‘‘మొదటిసారిగా ఏం మాట్లాడాలో తెలియడం లేదు. ఈకార్యక్రమానికి ముఖ్య అతిథిగా విచ్చేసిన నాగార్జున సర్‌కు ధన్యవాదాలు. ‘ఉయ్యాలా జంపాలా’ నుంచి ఆయన నాకు తెలుసు. నన్ను వాళ్ల కుటుంబంలో సభ్యురాలిగా చూస్తారు. నా కల నిజమైన రోజు ఇది. 25 ఏళ్ల వయసులోనే సహ నిర్మాతగా తొలి అడుగు వేసినందుకు ఆనందంగా ఉంది. ఇందుకు ఎంతో గర్వపడుతున్నా. నన్ను ఆదరిస్తున్న ప్రేక్షకులకు ధన్యవాదాలు. మిమ్మల్ని ఎంటర్‌టైన్‌ చేయడం కోసం నేను మరింత కష్టపడి పనిచేస్తాను’’ అంటూ ఆమె కన్నీరు పెట్టుకున్నారు. అనంతరం నాగార్జున మాట్లాడుతూ చిత్రబృందానికి అభినందనలు తెలిపారు. అవికాగోర్‌ మంచి నటి అని.. ఆమెకు ఎన్నో దేశాల్లో అభిమానులు ఉన్నారని చెప్పారు.