Web Series 2023: మెప్పించిన వెబ్సిరీస్లు.. మీరేమైనా మిస్ అయ్యారా..?
ఈ ఏడాది విడుదలై, ప్రేక్షకాదరణ పొందిన వెబ్సిరీస్లపై ప్రత్యేక కథనం. ఏ ఓటీటీలో ఏ సిరీస్ అలరించిందో చూసేయండి..
ఇంటర్నెట్ డెస్క్: థియేటర్లలో సినిమాలు విడుదలైనట్లే.. ఓటీటీల్లో (ott) ప్రతివారం ఎన్నో వెబ్సిరీస్లు విడుదలవుతుంటాయి. వాటిలో కొన్ని మాత్రమే ప్రేక్షకులను మెప్పించగలుగుతాయి. అలా ఈ ఏడాదిలో ఆడియన్స్ను ఆకట్టుకున్న పలు వెబ్సిరీస్లను (best web series in 2023), నేరుగా ఓటీటీలోకి వచ్చిన సినిమాలను గుర్తుచేసుకుందాం. మీరేమైనా మిస్ అయ్యారేమో చూడండి..
అమెజాన్ ప్రైమ్ వీడియో (Amazon Prime Video)
దూత: హీరో నాగచైతన్య (Naga Chaitanya) నటించిన తొలి వెబ్ సిరీస్ ఇది (Dhootha). ‘మనం’, ‘24’ చిత్రాల ఫేమ్ విక్రమ్ కె. కుమార్ దర్శకత్వం వహించారు. పార్వతి తిరువోతు, ప్రియా భవానీ శంకర్ తదితరులు కీలక పాత్రలు పోషించారు. జర్నలిజం ఇతివృత్తంగా హారర్ మిస్టరీ థ్రిల్లర్లో నేపథ్యంలో రూపొందింది. ప్రముఖ జర్నలిస్ట్ సాగర్ వర్మ అవధూరిని కొన్ని న్యూస్పేపర్ ఆర్టికల్స్ వెంటాడడం, ఆ జర్నలిస్ట్ కుటుంబంలో చోటు చేసుకున్న విషాదం ముందే ఆ ఆర్టికల్స్లో కనిపించడం తదితర అంశాలు ప్రేక్షకులకు థ్రిల్ పంచాయి.
ఫర్జి: బాలీవుడ్ నటుడు షాహిద్ కపూర్ (Shahid Kapoor)కు ఇది ఫస్ట్ సిరీస్ (Farzi). రాజ్- డీకే దర్శకత్వం వహించారు. షాహిద్ తోపాటు విజయ్ సేతుపతి, రాశీఖన్నా ఇతర ప్రధాన పాత్రలు పోషించారు. తాత నెలకొల్పిన పత్రికా కార్యాలయం మూతపడిపోవడంతో ఎలాగైనా దాన్ని ఓపెన్ చేయాలని నిర్ణయించుకున్న ఓ యువకుడి కథ ఇది. బ్యాంకు అధికారులు, అధునాతన సాంకేతికత సైతం గుర్తుపట్టలేనంతగా దొంగనోట్లు ఎలా ముద్రించాడు? అనే కాన్సెప్ట్తో రూపొందింది.
వ్యూహం: తెలిసో, తెలియకో ఇతరులకు హాని చేస్తే ఎప్పటికైనా దాని ఫలితాన్ని తప్పక అనుభవించాల్సిందేనన్న అంశంతో రూపొందిందీ సిరీస్ (Vyooham). రోడ్డు ప్రమాదంతో దాన్ని వివరించిన తీరు ప్రేక్షకులను మెప్పించింది. పలు పాత్రలను లింక్ చేస్తూ.. ఆ ఘటనకు కారణం అవేనని చివరిలో రివీల్ చేయడం ఆసక్తికరం. సాయి సుశాంత్ రెడ్డి, చైతన్య కృష్ణ, రవీంద్ర విజయ్, పావని గంగిరెడ్డి తదితరులు నటించారు. శశికాంత్ శ్రీవైష్ణవ్ పీసపాటి దర్శకుడు.
దహాద్: ప్రేమించిన వ్యక్తితో వెళ్లిపోతున్నానంటూ లేఖ రాసి ఇంటి నుంచి పారిపోయిన యువతి కేసు విచారణలో భాగంగా ఎస్ఐ అంజలి భాటి ఎదుర్కొన్న సవాళ్లే ఈ సిరీస్ కథాంశం (Dahaad). ఆ ఎస్ఐ మరెవరో కాదు హీరోయిన్ సోనాక్షి సిన్హా (Sonakshi Sinha). ఆమెకిది తొలి సిరీస్. అంతర్లీనంగా కుల వ్యవస్థ, ధనిక-పేద వర్గాల మధ్య తారతమ్యం వంటి అంశాలను తెరపైకి తీసుకొచ్చారు. దర్శకత్వం: కీమా కగ్టి, రుచికా ఒబెరాయ్.
పిప్పా: ఇషాన్ ఖట్టర్ (Ishaan Khattar), మృణాల్ ఠాకూర్ ప్రధాన పాత్రల్లో రాజా కృష్ణమేనన్ తెరకెక్కించిన ఈ సినిమా (Pippa) నేరుగా ఓటీటీలో విడుదలై దేశభక్తి రగిలించింది. 1971లో జరిగిన ఇండో- పాకిస్థాన్ యుద్ధంలో తన తోబుట్టువులతో కలిసి భారతదేశం కోసం పోరాడిన కెప్టెన్ బలరామ్ సింగ్ మెహతా జీవితం ఆధారంగా ఈ చిత్రం రూపొందింది.
నెట్ఫ్లిక్స్..
రానా నాయుడు: విమర్శలు ఎదుర్కొన్నా ఈ సిరీస్ (Rana Naidu) రికార్డు సృష్టించడం విశేషం. ‘నెట్ఫ్లిక్స్’ విడుదల చేసిన.. ఈ వెబ్సిరీస్ ‘ప్రపంచవ్యాప్తంగా ఎక్కువ వ్యూస్ సొంతం చేసుకున్న సిరీస్ల జాబితా (400)’లో 336వ స్థానంలో నిలిచింది. భారత్ నుంచి ఈ సిరీస్కు మాత్రమే ఆ లిస్ట్లో చోటు దక్కింది. జైలు నుంచి వచ్చిన తండ్రి (వెంకటేశ్) వల్ల రానా నాయుడు (రానా) జీవితంలో చోటుచేసుకున్న మార్పులేంటి? ఎలాంటి సమస్యలు ఎదురయ్యాయి? అసలు తండ్రీకొడుకుల మధ్య వైరం ఎందుకు ఏర్పడింది? అన్నది సిరీస్లో కీలకం. వెంకటేశ్ (Daggubati Venkatesh), రానా (Rana Daggubati) కలిసి నటించిన ఈ తొలి వెబ్సిరీస్కు సుప్రన్ వర్మ, కరణ్ అన్షుమన్ సంయుక్తంగా దర్శకత్వం వహించారు.
ది రైల్వేమెన్: 1984లో చోటుచేసుకున్న భోపాల్ గ్యాస్ దుర్ఘటనను కళ్లకు కట్టినట్లు చూపించే సిరీస్ ఇది (The Railway Men). శివ్ రావైల్ దర్శకత్వం వహించిన ఈ సిరీస్లో మాధవన్, కేకే మేనన్, దివ్యేందు శర్మ, మందిరా బేడీ తదితరలు నటించారు.
కాలాపాని: అండమాన్ నికోబార్ దీవుల్లోని నీరు కలుషితమవడానికి కారణమేంటి? అది ఎలాంటి పరిస్థితులకు దారితీసింది? అనే అంశంతో సమీర్ సక్సేనా, అమిత్ సంయుక్తంగా రూపొందించిన ఈ సిరీస్ (Kaala Paani) ప్రేక్షకులను విశేషంగా ఆకట్టుకుంది. మోనా సింగ్, అశుతోష్ గోవారికర్ తదితరులు ప్రధాన పాత్రలు పోషించారు.
స్కూప్: పాత్రికేయురాలు జాగృతి పాఠక్ జీవితాధారంగా హన్సల్ మెహతా దర్శకత్వంలో రూపొందిన సిరీస్ ఇది. ఈ క్రైమ్ డ్రామాలో కరిష్మా తన్నా, ప్రొసెన్జిత్ ఛటర్జీ ప్రధాన పాత్రలు పోషించారు. స్కూప్ (Scoop).. ప్రతిష్ఠాత్మక బుసాన్ ఇంటర్నేషనల్ ఫిల్మ్ ఫెస్టివల్ (బీఐఎఫ్ఎఫ్)లో ఉత్తమ ఆసియా టీవీ సిరీస్గా ఎంపికవడం విశేషం.
డిస్నీ+హాట్స్టార్..
ది ఫ్రీలాన్సర్: నటీనటులు: మోహిత్ రైనా, అనుపమ్ఖేర్, కష్మీరా పరదేశి, అయేషా రజా మిశ్రా, మంజరి ఫడ్నిస్, శత్ జేన్ డైసీ, సుశాంత్ సింగ్ తదితరులు; దర్శకత్వం: భవ్ ధులియా. సిరియా సరిహద్దుల్లో ఉన్న ఐసిస్కు చెరలో చిక్కుకున్న అలియా అనే మహిళను రక్షించేందుకు రంగంలోకి దిగిన అవినాష్ దామోదరన్ ఎలాంటి సాహసం చేశాడనేది ఈ సిరీస్ (The Freelancer) కథాంశం.
సేవ్ ది టైగర్స్: నటీనటులు: ప్రియదర్శి, అభినవ్ గోమఠం, చైతన్య కృష్ణ, ‘జోర్దార్’ సుజాత, పావని గంగిరెడ్డి, దేవయాని, హర్షవర్ధన్, గంగవ్వ, వేణు టిల్లు, రోహిణి తదితరులు; దర్శకత్వం: తేజ కాకుమాను. మంచి వినోదాన్ని పంచే ముగ్గురు భార్యా బాధితుల కథ (Save The Tigers) ఇది.
అతిథి: హీరో వేణు తొట్టెంపూడి (Venu Thottempudi) నటించిన తొలి వెబ్సిరీస్ (Athidhi) ఇది. అవంతిక మిశ్రా, అదితి గౌతమ్ (సియా గౌతమ్) కీలక పాత్రధారులు. దర్శకత్వం: భరత్ వై.జి. అరిషడ్వర్గాల (కామం, క్రోధం, లోభం, మోహం, మదం, మాత్సర్యం) వల్ల మనిషి పతనమవుతాడనే విషయాన్ని ఈ సిరీస్తో ప్రేక్షకులకు చెప్పే ప్రయత్నం చేశారు. ఈ క్రమంలో దెయ్యాలు ఉన్నాయా, లేవా? అనే ప్రశ్నను తెరపైకి తీసుకొచ్చి థ్రిల్ పంచారు.
జీ 5..
అయలీ: ఊరి కట్టుబాట్లు దాటి ఓ అమ్మాయి ఎలా చదువుకుంది? ఈ క్రమంలో ఆమె పేరెంట్స్ ఎలాంటి అవమానాలు ఎదుర్కొన్నారు? తదితర అంశాలతో రూపొందిందీ (Ayali) సిరీస్. నటీనటులు: అభి నక్షత్ర, అనుమోల్, మదన్, సింగంపులి, టీఎస్ ధర్మరాజు, లింగా తదితరులు; దర్శకత్వం: ముత్తు కుమార్.
సోనీలివ్..
స్కామ్ 2003- ది తెల్గీ స్టోరీ: 2003లో స్టాంప్ పేపర్ మోసానికి పాల్పడ్డ అబ్దుల్ కరీం తెల్గీ (Abdul Karim Telgi) జీవితం ఆధారంగా చేసుకుని రూపొందిన సిరీస్ ఇది (Scam 2003). తారాగణం: గగన్ దేవ్ రియార్, సనా అమిన్ షేక్, ముకేశ్ తివారీ, భరత్ జాదవ్ తదితరులు; దర్శకత్వం: తుషార్ హీరానందని.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఓటీటీలో సిద్ధార్థ్ రాయ్.. స్ట్రీమింగ్ ఎక్కడంటే?
కొత్తదనం నిండిన రొమాంటిక్ ఎంటర్టైనర్గా రూపొందిన చిత్రం ‘సిద్ధార్థ్ రాయ్’ ఓటీటీలో స్ట్రీమింగ్ అయ్యేందుకు సిద్ధమైంది. -
ఓటీటీలోకి రొమాంటిక్ కామెడీ ఎంటర్టైనర్.. స్ట్రీమింగ్ ఎప్పుడంటే
మమితా బైజు నటించిన రొమాంటిక్ కామెడీ ఎంటర్టైనర్ ‘ప్రణయ విలాసం’. ఈటీవీ విన్ వేదికగా ఇది ప్రసారం కానుంది. -
భారీ ధరకు ‘తండేల్’ ఓటీటీ రైట్స్.. చైతూ కెరీర్లో బిగ్ డీల్
తండేల్ మూవీ ఓటీటీ డీల్ పూర్తయింది. ప్రముఖ ఓటీటీ వేదిక నెట్ఫ్లిక్స్ స్ట్రీమింగ్ రైట్స్ దక్కించుకుంది. -
ఓటీటీలోకి ‘మంజుమ్మల్ బాయ్స్’.. స్ట్రీమింగ్ ఎప్పుడంటే
సర్వైవల్ థ్రిల్లర్ ‘మంజుమ్మల్ బాయ్స్’ ఓటీటీలోకి వచ్చేందుకు సిద్ధమైంది. -
ఓటీటీలోకి ‘డియర్’.. స్ట్రీమింగ్ ఎప్పుడంటే?
జి.వి.ప్రకాశ్ కుమార్, ఐశ్వర్య రాజేశ్ ప్రధాన పాత్రల్లో నటించిన సినిమా ‘డియర్’. ఈ సినిమా ఓటీటీ రిలీజ్ డేట్ ఖరారైంది. -
ఓటీటీలోకి యాక్షన్ థ్రిల్లర్ ‘యోధ’.. ప్రస్తుతానికి అద్దె ప్రాతిపదికన..
సిద్ధార్థ్ మల్హోత్రా-రాశీఖన్నా ప్రధానపాత్రలో నటించిన చిత్రం ‘యోధ’ ఓటీటీలోకి వచ్చేసింది. -
విజయ్ ‘ఫ్యామిలీ స్టార్’ ఓటీటీలోకి వచ్చేసింది.. స్ట్రీమింగ్ ఎక్కడంటే?
విజయ్ దేవరకొండ, మృణాల్ ఠాకూర్ జంటగా నటించిన చిత్రం ‘ఫ్యామిలీ స్టార్’ ఓటీటీలో స్ట్రీమింగ్ అవుతోంది. -
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
అక్షయ్కుమార్, పంకజ్ త్రిపాఠి కీలక పాత్రల్లో నటించిన ‘ఓఎంజీ2’ తెలుగు వెర్షన్ ఇప్పుడు స్ట్రీమింగ్కు తీసుకొచ్చింది జియో సినిమా. -
‘హీరామండీ’తో నా కల నెరవేరింది: సోనాక్షి సిన్హా
తాను నటించిన ‘హీరామండీ’ వెబ్సిరీస్ త్వరలో విడుదల కానున్న నేపథ్యంలో సోనాక్షి ఇంటర్వ్యూలతో బిజీగా ఉన్నారు. -
తెలుగులో ‘నాయట్టు’.. స్ట్రీమింగ్ ఎక్కడంటే?
మలయాళ చిత్రం ‘నాయట్టు’ ఇప్పుడు తెలుగు ఆడియోతో అందుబాటులోకి వచ్చేందుకు సిద్ధమైంది. -
‘టిల్లన్న వచ్చేస్తుండు’.. ఓటీటీలో స్ట్రీమింగ్ ఎప్పుడంటే..?
సిద్ధు జొన్నలగడ్డ - అనుపమ పరమేశ్వరన్ ప్రధాన పాత్రల్లో నటించిన చిత్రం ‘టిల్లు స్క్వేర్’. త్వరలో ఇది ఓటీటీలో విడుదల కానుంది. -
ఈటీవీ విన్లో ఆకట్టుకుంటోన్న క్రైమ్ కామెడీ చిత్రం
ఈటీవీ విన్ వేదికగా విడుదలైన 'శర్మ & అంబానీ' ప్రేక్షకాదరణ పొందుతోంది. -
ఓటీటీలో ‘గామి’ సరికొత్త రికార్డు.. ఎన్ని మిలియన్ల వీక్షణలంటే..
‘గామి’ ఓటీటీలోనూ రికార్డు సృష్టించింది. ఈ విషయాన్ని తెలుపుతూ జీ5 సంస్థ ప్రత్యేక పోస్టర్ను రిలీజ్ చేసింది. -
ఓటీటీలోకి కన్నడ బ్లాక్బస్టర్.. స్ట్రీమింగ్ ఎక్కడంటే..?
కన్నడ నటుడు దర్శన్ (Darshan) ప్రధాన పాత్రలో నటించిన చిత్రం ‘కాటేరా’ (Kaatera) -
ఓటీటీలోకి ‘భీమా’.. స్ట్రీమింగ్ ఎప్పుడంటే
‘భీమా’ ఓటీటీలోకి వచ్చేందుకు సిద్ధమైంది. -
ఓటీటీలోకి వచ్చేస్తోన్న కీర్తి సురేశ్ ఎమోషనల్ డ్రామా.. స్ట్రీమింగ్ ఎక్కడంటే
కీర్తి సురేశ్ నటించిన ‘సైరన్’ ఓటీటీలో విడుదలకు సిద్ధమైంది. -
‘ఏజెంట్’ ఓటీటీ రిలీజ్పై నెటిజన్ పోస్ట్.. క్లారిటీ ఇచ్చిన నిర్మాత
అఖిల్ నటించిన ‘ఏజెంట్’ ఓటీటీ విడుదలపై నిర్మాత మరోసారి స్పందించారు. -
ఓటీటీలోకి వచ్చేస్తోన్న కామెడీ ఎంటర్టైనర్.. స్ట్రీమింగ్ ఎప్పుడంటే!
‘ఓం భీమ్ బుష్’ ఓటీటీలోకి వచ్చేందుకు సిద్ధమైంది. అమెజాన్ ప్రైమ్ వేదికగా ప్రసారం కానుంది. -
ఓటీటీలోకి ‘ప్రేమలు’ తెలుగు వెర్షన్.. స్ట్రీమింగ్ ఎక్కడంటే.?
ఇటీవల కాలంలో యూత్ను బాగా ఆకర్షించిన మలయాళీ ప్రేమకథా చిత్రం ‘ప్రేమలు’. ఇప్పుడు ఇది ఓటీటీ వేదికగా ప్రేక్షకులను అలరించేందుకు సిద్ధమైంది. -
ఈ వారం ఓటీటీలో సినిమాలే సినిమాలు.. ఏ మూవీ ఎక్కడ స్ట్రీమింగ్ అంటే..?
బయట ఎండలు మండిపోతున్నాయి. థియేటర్లో వరుస చిత్రాలు సందడి చేస్తున్నాయి. అయినా, ప్రతీ వారం ఇంటికి వచ్చి మరీ వినోదాన్ని పంచుతున్నాయి ఓటీటీ చిత్రాలు. మరి ఈ వారం ఏ ఓటీటీ వేదికగా ఏ సినిమాలు, సిరీస్లు స్ట్రీమింగ్ అవుతున్నాయో చూసేయండి. -
‘సేవ్ ది టైగర్స్2’ రికార్డు.. ఇండియాలోనే టాప్..
కుటుంబ ప్రేక్షకులను అలరించిన సేవ్ ది టైగర్స్ సీజన్2 రికార్డు సృష్టించింది.
తాజా వార్తలు (Latest News)
-
భానుడి ప్రతాపం.. ట్రాఫిక్ సిగ్నల్స్ వద్ద గ్రీన్నెట్స్..
-
ఆ ఇద్దరు లేకపోవడం నష్టమే.. మరో 60 పరుగులు చేయాల్సింది: రుతురాజ్
-
మ్యాక్సీ.. నీ మాయ ఏమైంది?
-
‘ఇది మహాయుద్ధం’.. టీమ్ఇండియాకు అమితాబ్ స్పెషల్ మెసేజ్
-
వారే అమెరికా ఆర్థిక వ్యవస్థ బలం: బైడెన్
-
మాట నిలబెట్టుకున్న రాజమౌళి- మహేశ్.. ‘SSMB29’ నిర్మాత ఆసక్తికర వ్యాఖ్యలు