‘సాహో’ గిఫ్ట్‌.. అదా దోసె.. శిల్ప విలువిద్య

ఇంటర్నెట్‌డెస్క్‌: ప్రభాస్‌ కథానాయకుడిగా సుజీత్‌ దర్శకత్వంలో నటించిన యాక్షన్‌ థ్రిల్లర్‌ ‘సాహో’. ఆదివారంతో ఈ చిత్రం విడుదలై ఏడాది పూర్తయిన సందర్భంగా అభిమానులకు ప్రభాస్‌ కృతజ్ఞతలు చెబుతూ.. ఓ స్పెషల్ వీడియోను పంచుకున్నారు. ఇక అందాల తార అదా శర్మ దోసెలేస్తూ సందడి చేశారు. సమంత ఆరు బయట కుర్చీలో కూర్చొని ఏదో రాసుకుంటూ కనిపించారు. ఒకప్పటి అందాల కథానాయిక శిల్పాశెట్టి ఆరోగ్యం విషయంలో ఎంతో జాగ్రత్తగా ఉంటారు. తాజాగా ఆమె విలువిద్యపై దృష్టి సారించారు. దాన్ని సాధన చేస్తూ ఆ వీడియోను అభిమానులతో పంచుకున్నారు. ఇలా మన సెలబ్రిటీలు తాజాగా పంచుకున్న ఆసక్తికర పోస్టులు చూశారా?