Baby movie: ‘బేబీ’కి యువత ఫిదా.. సోషల్‌మీడియాలో ఫన్నీ మీమ్స్‌ వరద..!

హైదరాబాద్‌: ఆనంద్ దేవ‌ర‌కొండ‌ (Anand Deverakonda), వైష్ణ‌వి చైత‌న్య‌ (Vaishnavi Chaitanya), విరాజ్ అశ్విన్‌ కీలక పాత్రల్లో సాయి రాజేశ్‌ దర్శకత్వంలో వచ్చిన చిత్రం ‘బేబీ’ (Baby). ఈ శుక్రవారం ప్రేక్షకుల ముందుకు వచ్చిన సినిమా బాక్సాఫీస్‌ వద్ద మంచి టాక్‌ను తెచ్చుకుంది. ‘మొదటి ప్రేమకి మరణం లేదు. మనసు పొరల్లో శాశ్వతంగా సమాధి చేయబడి ఉంటుంది’ అంటూ రూపొందిన ఈ మూవీ యువతకు బాగా కనెక్ట్‌ అయ్యింది. ఆనంద్‌, వైష్ణవిలు తమ నటనతో అలరించారు. యూట్యూబ్‌ స్టార్‌గా గుర్తింపు తెచ్చుకున్న వైష్ణవి తన నటనలోని మరో కొత్త కోణాన్ని ఆవిష్కరించింది. ఈ సందర్భంగా సామాజిక మాధ్యమాల్లో మీమ్స్‌ వైరల్‌ అవుతున్నాయి. సినిమాను కథకు సూటయ్యేలా పాత సినిమాల్లోని సన్నివేశాలను రీమిక్స్‌ చేసి పంచుకున్న వీడియోలు అలరిస్తున్నాయి. ఉపేంద్ర హీరోగా నటించిన ఓ సినిమాలోని సీన్‌ కడుపుబ్బా నవిస్తోంది. ఇంకెందుకు ఆలస్యం ఆ ఫన్నీ మీమ్స్‌, వీడియోలు మీరూ చూసేయండి.