Bootcut balraju: ‘బూట్‌కట్‌ బాలరాజు’ ప్రారంభం

సోహెల్‌, అనన్య నాగళ్ల జంటగా లక్కీ మీడియా పతాకంపై తెరకెక్కుతున్న చిత్రం ‘బూట్‌కట్‌ బాలరాజు’. శ్రీ కోనేటి దర్శకత్వం వహిస్తున్నారు. బెక్కం వేణుగోపాల్‌ నిర్మాత. ఈ సినిమా బుధవారం హైదరాబాద్‌లో ప్రారంభమైంది. ముహూర్తపు సన్నివేశానికి దిల్‌రాజు క్లాప్‌నిచ్చారు. మిర్యాల రవీందర్‌రెడ్డి కెమెరా స్విచ్చాన్‌ చేశారు. అనిల్‌ రావిపూడి గౌరవ దర్శకత్వం వహించారు. అనంతరం ఏర్పాటు చేసిన విలేకర్ల సమావేశంలో బెక్కం వేణుగోపాల్‌ మాట్లాడుతూ ‘‘దర్శకుడు శ్రీ కోనేటి నా మిత్రుడు. సోహెల్‌కి తగ్గ కథ కుదిరింది. ‘హుషారు’ తర్వాత ఆ తరహాలో మరో మంచి కథతో మేం ఈ సినిమాని రూపొందిస్తున్నాం. జనవరి, ఫిబ్రవరి నెలల్లో చిత్రీకరణ పూర్తి చేస్తామ’’న్నారు. సోహెల్‌ మాట్లాడుతూ ‘‘బిగ్‌బాస్‌ నుంచి బయటికొచ్చాక నేను చేస్తున్న రెండో చిత్రమిది. బూట్‌కట్‌ బాలరాజ్‌ పాత్ర ప్రేక్షకుల మనసుల్లో ఉండిపోతుంద’’న్నారు.