క్లాప్‌ కొట్టేశారు

విజయ్‌ - లోకేష్‌ కనగరాజ్‌ కలయికలో ఓ సినిమా రూపొందనున్న సంగతి తెలిసిందే. సెవెన్‌ స్క్రీన్‌ స్టూడియో పతాకంపై నిర్మిస్తున్నారు. ఈ చిత్రం సోమవారం చెన్నైలో పూజా కార్యక్రమాలతో లాంఛనంగా ప్రారంభమైందని సమాచారం. గ్యాంగ్‌స్టర్‌ థ్రిల్లర్‌గా తెరకెక్కుతున్న ఈ చిత్రం.. ‘లోకేష్‌ సినిమాటిక్‌ యూనివర్స్‌’లో భాగంగా కనిపించనున్నట్లు తెలిసింది. జనవరిలో రెగ్యులర్‌ చిత్రీకరణ మొదలు కానుంది. తొలి షెడ్యూల్‌ను కశ్మీర్‌, మున్నార్‌ ప్రాంతాల్లో చిత్రీకరించనున్నట్లు తెలుస్తోంది. ఈ సినిమాలో సంజయ్‌ దత్‌ ప్రతినాయకుడిగా కనిపించనున్నారని ప్రచారం వినిపిస్తోంది. కథానాయికగా త్రిష పేరు పరిశీలిస్తున్నట్లు వార్తలు వినిపిస్తున్నాయి. త్వరలో మరిన్ని వివరాలు వెల్లడి కానున్నాయి.