NTR: యాక్షన్‌ హంగామా మొదలు

ఎన్టీఆర్‌ (NTR) - కొరటాల శివ (Koratala Siva) కలయికలో ఓ పాన్‌ ఇండియా చిత్రం రూపొందుతున్న సంగతి తెలిసిందే. కొసరాజు హరికృష్ణ, సుధాకర్‌ మిక్కిలినేని సంయుక్తంగా నిర్మిస్తున్నారు. జాన్వీ కపూర్‌ కథానాయిక. కల్యాణ్‌రామ్‌ సమర్పిస్తున్నారు. ఇటీవలే లాంఛనంగా ప్రారంభమైన ఈ సినిమా ఇప్పుడు రెగ్యులర్‌ చిత్రీకరణకు సిద్ధమైంది. హైదరాబాద్‌లో వేసిన ప్రత్యేక సెట్లో గురువారం నుంచి తొలి షెడ్యూల్‌ మొదలైంది. ‘‘విస్మరణకు గురైన ఓ తీర ప్రాంతం నేపథ్యంలో సాగే చిత్రమిది. యాక్షన్‌కు ఎంతో ప్రాధాన్యముంది. ఎన్టీఆర్‌ ఓ శక్తిమంతమైన పాత్రలో కనిపిస్తారు’’ అని చిత్ర వర్గాలు తెలిపాయి. ఈ చిత్రం వచ్చే ఏడాది ఏప్రిల్‌ 5న ప్రేక్షకుల ముందుకు రానుంది. ఈ సినిమాకి సంగీతం: అనిరుధ్‌, ఛాయాగ్రహణం: రత్నవేలు.