Nithiin: కలెక్టర్ మీద చెయ్యేస్తే గవర్నమెంట్ మీద చెయ్యి వేసినట్టే!

హైదరాబాద్‌: ‘నువ్వేమో త్రివిక్రమ్‌ శ్రీనివాస్‌లా పంచ్‌లు.. వీళ్లేమో బోయపాటి శ్రీనులా యాక్షన్‌ సీన్‌లు.. ఇప్పుడు నేనేం చేయాలి. రాజమౌళి హీరోలా ఎలివేషన్‌ ఇవ్వాలా’ అంటున్నారు నితిన్‌. ఆయన కథానాయకుడిగా రాజశేఖర్‌ దర్శకత్వంలో తెరకెక్కిన పొలిటికల్‌ యాక్షన్‌ థ్రిల్లర్‌ ‘మాచర్ల నియోజకవర్గం’. కృతిశెట్టి కథానాయిక. అన్ని కార్యక్రమాలు పూర్తి చేసుకున్న ఈ సినిమా ఆగస్టు 12న ప్రేక్షకుల ముందుకు రానుంది. చిత్ర ప్రచారంలో భాగంగా శనివారం సాయంత్రం ట్రైలర్‌ విడుదల చేశారు. ఎంటర్‌టైన్‌మెంట్‌తో పాటు, యాక్షన్‌ను మేళవించి సినిమాను తీర్చిదిద్దినట్లు ట్రైలర్‌ చూస్తే అర్థమవుతోంది.