Manchu Vishnu: మంచు విష్ణుకు స్వల్ప గాయాలు..?

ఇంటర్నెట్‌డెస్క్‌: తన తదుపరి చిత్రం ‘కన్నప్ప’ (Kannappa) షూట్‌లో నటుడు మంచు విష్ణు (Manchu Vishnu)కు గాయాలైనట్లు తెలుస్తోంది. న్యూజిలాండ్‌లో జరుగుతోన్న షెడ్యూల్‌లో యాక్షన్‌ సన్నివేశాలు చిత్రీకరిస్తుండగా డ్రోన్ కెమెరా అదుపు తప్పి విష్ణు మీదకి దూసుకురావడంతో చేతికి స్వల్ప గాయాలయ్యానని వార్తలు వస్తున్నాయి. ప్రస్తుతానికి షూట్‌ నిలిపి వేశారని సమాచారం. అయితే, ఈ వార్తలపై ఎలాంటి అధికారిక సమాచారం లేదు.

Siddharth Aditi: ఏం జరుగుతోంది?.. సిద్ధార్థ్‌, అదితి ఫొటోపై దర్శకుడి కామెంట్‌

విష్ణు డ్రీమ్‌ ప్రాజెక్ట్‌గా ‘కన్నప్ప’ సిద్ధమవుతోంది. ముఖేశ్‌ కుమార్‌ సింగ్‌ దర్శకుడు. ‘కన్నప్ప’ చిత్రం మొత్తాన్ని న్యూజిలాండ్‌లో చిత్రీకరిస్తున్నారు. ఇప్పటికే దీనికోసం తయారు చేయించిన ఆర్ట్‌ వర్క్‌ మొత్తాన్ని అక్కడకు తరలించారు. అత్యంత భారీ బడ్జెట్‌తో పాన్‌ ఇండియా స్థాయిలో ఈ చిత్రం రూపొందుతోంది. ప్రముఖ నటుడు మోహన్‌ బాబు ఈ చిత్రాన్ని నిర్మిస్తున్నారు. ఈ సినిమాలో కథానాయికగా మొదట నుపుర్‌ సనన్‌ను ఎంపిక చేశారు. డేట్స్‌ సర్దుబాటు కాకపోవడంతో ఆమె ఈ ప్రాజెక్ట్‌ నుంచి వైదొలగారు. ప్రభాస్‌, నయనతార, శివరాజ్‌కుమార్‌, మోహల్‌ లాల్‌ తదితరులు కీలక పాత్రలు నటిస్తున్నట్లు సమాచారం.