Nawazuddin Siddiqui: అందుకు ఇప్పటికీ గిల్టీగా ఉంది: రజనీకాంత్‌ చిత్రంపై నవాజుద్దీన్ సిద్ధిఖీ

ఇంటర్నెట్‌ డెస్క్‌: రజనీకాంత్‌ (Rajinikanth) చిత్రంలో తాను బాగా నటించలేకపోయాననే అపరాధభావం ఇప్పటికీ ఉందని బాలీవుడ్‌ ప్రముఖ నటుడు నవాజుద్దీన్‌ సిద్ధిఖీ (Nawazuddin Siddiqui) అన్నారు. ఇటీవల పాల్గొన్న ఓ ఇంటర్వ్యూలో ఆ మూవీ చిత్రీకరణ గురించి మాట్లాడారు. ‘‘పేట (Petta)లో నేనెలా నటించానో నాకే అర్థంకాలేదు. భాష (తమిళ్‌) తెలియకపోవడంతో చాలా విషయాలు గ్రహించలేకపోయా. లిప్‌ సింక్‌తో మేనేజ్‌ చేశా. పెర్ఫామెన్స్‌ బాగా లేకపోయినా పారితోషికం తీసుకున్నందుకు గిల్టీగా ఉంది. ఇలా సైంధవ్‌ విషయంలో జరగకూడదనుకుని అన్నీ నేర్చుకున్నా. నా పాత్రకు సంబంధించిన డైలాగ్ అర్థాలు తెలుసుకుని నేనే డబ్బింగ్‌ చెప్పా’’ అని పేర్కొన్నారు.

మున్నా భాయ్‌ ఎంబీబీఎస్‌‌, బజరంగీ భాయిజాన్‌ వంటి బాలీవుడ్‌ హిట్‌ చిత్రాల్లో భాగమైన నవాజుద్దీన్‌.. పేటతో కోలీవుడ్‌లో అడుగుపెట్టారు. రజనీకాంత్‌ హీరోగా దర్శకుడు కార్తీక్‌ సుబ్బరాజ్‌ (Karthik Subbaraj) తెరకెక్కించిన చిత్రమది. 2019లో విడుదలైంది. ఈ డబ్బింగ్‌ మూవీతోనే తెలుగు ప్రేక్షకులకు పరిచయమైన ఆయన సైంధవ్‌ (Saindhav)తో బాగా దగ్గరయ్యారు. నేరుగా నటించిన తొలి తెలుగు సినిమా ఇదే. వెంకటేశ్‌ (Venkatesh) హీరోగా శైలేష్‌ కొలను రూపొందించారు. 2024 సంక్రాంతి కానుకగా రిలీజై, ఆశించిన ఫలితం అందుకోలేకపోయింది. నవాజుద్దీన్‌ హిందీలో మూడు ప్రాజెక్టులతో బిజీగా ఉన్నారు.