Cinema News: ప్రపంచ రికార్డే లక్ష్యంగా..

ఈశ్వర్‌, సాయి విక్రాంత్‌, రిషి, సూర్య కథా    నాయకులుగా నటిస్తున్న చిత్రం ‘నీకు.. నాకు.. రాసుంటే’. కె.ఎస్‌.వర్మ దర్శకుడు. స్రవంతి   పలగాని, అభిషేక్‌ ఆవల సంయుక్తంగా నిర్మిస్తున్నారు. ఈ సినిమా పాట రికార్డింగ్‌, బ్యానర్‌  ఆవిష్కరణ వేడుక శనివారం హైదరాబాద్‌లో  జరిగింది. ఈ సందర్భంగా గాయని సునీత మాట్లాడుతూ.. ‘‘నేను లైవ్‌లో ఓ సినిమాకి  పాట పాడటం ఇదే తొలిసారి. ఇదీ ఓ రికార్డ్‌ అనుకుంటా’’ అన్నారు. ‘‘ప్రపంచ రికార్డు కోసం 24 క్రాఫ్ట్స్‌ను నేనే నిర్వహిస్తున్నాను. దీన్ని   లైవ్‌ రికార్డు చేస్తాం. తప్పకుండా మా కష్టాన్ని ప్రేక్షకులు ఆదరిస్తారని నమ్ముతున్నాను. ఈ చిత్రంలో జాతీయ అవార్డు పొందిన ఓ ప్రముఖ నటి కీలక పాత్రలో నటించనున్నారు’’ అన్నారు దర్శకుడు కె.ఎస్‌.వర్మ.