Rahul Ramakrishna: త్వరలో రాహుల్‌ రామకృష్ణ వివాహం.. జీవిత భాగస్వామిని పరిచయం చేసిన నటుడు

హైదరాబాద్‌: కమెడియన్‌, సహాయనటుడిగా గుర్తింపు తెచ్చుకున్న నటుడు రాహుల్‌ రామకృష్ణ. ‘అర్జున్‌రెడ్డి’ చిత్రంతో ఫేమ్‌ సొంతం చేసుకున్న ఆయన ప్రస్తుతం వరుస సినిమాలు చేస్తూ ప్రేక్షకుల్ని అలరిస్తున్నారు. కెరీర్‌లో మంచి ఫామ్‌లో ఉన్న రాహుల్‌ తాజాగా ఓ గుడ్‌ న్యూస్‌ చెప్పారు. త్వరలో తాను పెళ్లి చేసుకోనున్నట్లు తెలిపారు. తన జీవితభాగస్వామిని పరిచయం చేస్తూ ఆదివారం ట్విటర్‌ వేదికగా ఓ ఫొటో షేర్‌ చేశారు. ‘‘ఎట్టకేలకు, త్వరలో పెళ్లి చేసుకోనున్నాం’’ అని ఆయన పేర్కొన్నారు. అయితే తన జీవిత భాగస్వామికి సంబంధించిన ఎలాంటి వివరాలను ఆయన వెల్లడించలేదు. ఇక, ప్రస్తుతం ఈ ఫొటో నెట్టింట్లో వైరల్‌గా మారింది. ఇది చూసిన ప్రతి ఒక్కరూ కంగ్రాట్స్‌ చెబుతున్నారు. ఇటీవల విడుదలైన ‘ఆర్‌ఆర్‌ఆర్‌’లో రాహుల్‌ ఓ కీలకపాత్ర పోషించిన విషయం తెలిసిందే.