Ranbir Kapoor: మరోసారి ట్రెండింగ్‌లోకి బాలీవుడ్‌ రామాయణం.. కారణమిదే..

ఇంటర్నెట్‌ డెస్క్‌: బాలీవుడ్‌ ప్రొడ్యూసర్లతో కలిసి సినీ నిర్మాత అల్లు అరవింద్‌ ప్రతిష్ఠాత్మకంగా రామాయణాన్ని తెరకెక్కిస్తున్న సంగతి తెలిసిందే. నితేశ్‌ తివారీ (Nitesh Tiwari) దీనికి దర్శకత్వం వహించనున్నారు. ఇందులో రాముడి పాత్రలో రణ్‌బీర్‌ కపూర్‌ (Ranbir Kapoor) , సీతగా సాయి పల్లవి, హనుమంతుడి పాత్రలో సన్నీ దేవోల్‌ కనిపించనున్నట్లు ఎప్పటి నుంచో వార్తలు వస్తున్నాయి. ఇప్పటికే దీనికి సంబంధించిన ఎన్నో విశేషాలు సోషల్ మీడియాలో సందడి చేయగా.. తాజాగా మరోసారి ఈ ప్రాజెక్ట్‌ ట్రెండింగ్‌లోకి వచ్చింది.

ఈ సినిమా షూటింగ్‌ వచ్చే ఏడాది మార్చిలో ప్రారంభించనున్నారట. దీని కోసం శ్రీలంకలో భారీ సెట్‌ను ఏర్పాటు చేయనున్నట్లు సమాచారం. ప్రస్తుతం ఈ వార్త సోషల్ మీడియాలో తెగ షేర్‌ అవుతుంది. ఇక దీని వీఎఫ్ఎక్స్‌ ఎఫెక్ట్‌ల కోసం నితేశ్‌ తివారీ టీమ్‌ ఆస్కార్‌ విన్నింగ్‌ కంపెనీ డీఎన్‌ఈజీ (DNEG)తో సంప్రదింపులు జరిపిందట. ఈ చిత్రం కోసం అడ్వాన్స్‌డ్‌ టెక్నాలజీని వినియోగించాలని చిత్రబృందం యోచిస్తోందని అందుకే లుక్‌ టెస్ట్‌ కోసం కూడా త్రీడీ టెక్నాలజీని ఉపయోగించారని టాక్‌ వినిపిస్తోంది. ప్రస్తుతం దీని ప్రీ ప్రొడక్షన్‌ పనులు శరవేగంగా జరుగుతున్నాయి. వచ్చే నెలలో మూవీ టీమ్‌ అంతా ఈ పనుల కోసం విదేశాలకు వెళ్లనున్నట్లు తెలుస్తోంది. ఇక ఇందులో ఎంతో కీలకమైన రావణుడి పాత్ర యశ్‌ (Yash) చేయనున్నారట. 

ఎన్టీఆర్‌తో నటించాలని ఉంది..: త్రిప్తి డిమ్రీ

తాజాగా ‘యానిమల్‌’తో రణ్‌బీర్ సూపర్‌ హిట్‌ను అందుకున్నారు. ఇటీవల ఆయన ఓ మీడియాతో మాట్లాడుతూ త్వరలోనే కొంత విరామం తీసుకున్న తర్వాత మరో ప్రతిష్ఠాత్మక ప్రాజెక్ట్‌లో నటించనున్నట్లు చెప్పారు. దీంతో ఆ ప్రాజెక్ట్‌ రామాయణమేనని ఫ్యాన్స్‌ కామెంట్స్‌ చేస్తున్నారు. ఇక ప్రస్తుతం సాయి పల్లవి (Sai Pallavi) ‘తండేల్‌’లో నటిస్తున్నారు. అలాగే యశ్‌ ‘టాక్సిక్‌’ సినిమా చేస్తున్నారు.