rangamarthanda review: రివ్యూ: రంగమార్తాండ
Rangamarthanda review: ప్రకాశ్రాజ్, బ్రహ్మానందం కీలక పాత్రల్లో నటించిన ‘రంగమార్తాండ’ మూవీ ఎలా ఉందంటే?
Rangamarthanda review; చిత్రం: రంగమార్తాండ; నటీనటులు: ప్రకాశ్రాజ్, బ్రహ్మానందం, రమ్యకృష్ణ, శివాత్మిక రాజశేఖర్, రాహుల్ సిప్లిగంజ్, అనసూయ, ఆదర్శ్, భద్రం, వేణు, అలీ రెజా, సత్యానంద్ తదితరులు; మాటలు: ఆకెళ్ళ శివప్రసాద్; ఛాయాగ్రహణం: రాజ్ కె.నల్లి; సంగీతం: ఇళయరాజా; నిర్మాతలు: కాలిపు మధు, ఎస్. వెంకట్ రెడ్డి; దర్శకత్వం: కృష్ణవంశీ; సంస్థ: హౌస్ఫుల్ మూవీస్, రాజశ్యామల ఎంటర్టైన్మెంట్స్; విడుదల తేదీ : 22-03-2023
కృష్ణవంశీ అనగానే ‘గులాబి’, ‘నిన్నే పెళ్లాడతా’ మొదలుకొని విజయవంతమైన ఎన్నో సినిమాలు గుర్తొస్తాయి. సింధూరం, అంతఃపురం, ఖడ్గం తదితర చిత్రాలతో క్లాసిక్ సినిమాల దర్శకుడిగా పేరు సంపాదించుకున్నాడు. మధ్యలో ఫామ్ కోల్పోయినా... ఆయనపై అంచనాలు మాత్రం తగ్గలేదు. కొంచెం విరామం తర్వాత ఆయన తెరకెక్కించిన సినిమా ‘రంగమార్తాండ’. మరాఠీ చిత్రం ‘నటసామ్రాట్’కి రీమేక్గా రూపొందింది. కృష్ణవంశీ సినిమాల్లోనే గుర్తుండిపోయే పాత్రలు పోషించి పురస్కారాలు అందుకున్న ప్రకాశ్రాజ్ ఇందులో కీలక పాత్ర పోషించారు. బ్రహ్మానందం తన నటనలోని కొత్త కోణాన్ని ఆవిష్కరిస్తూ ఈ సినిమా చేశారు. మరి ఈ చిత్రం ఎలా ఉంది? (rangamarthanda review) కృష్ణవంశీ మళ్లీ ఫామ్లోకి వచ్చినట్టేనా?
కథేంటంటే: రంగస్థలంపై ఎన్నో పాత్రలకి జీవం పోసి రక్తి కట్టించిన నటుడు రాఘవరావు (ప్రకాశ్రాజ్). నాటకరంగమే ప్రపంచంగా బతికిన ఆయనకి రంగమార్తాండ అనే బిరుదుని ప్రదానం చేస్తారు. ఆయన స్నేహితుడు చక్రపాణి (బ్రహ్మానందం) కూడా రంగస్థల నటుడే. ఇద్దరూ కలిసి దేశ విదేశాల్లో ప్రదర్శనలతో ప్రేక్షకుల నీరాజనాలు అందుకున్నవారు. జీవితంలో ఒకరి కష్టసుఖాల్లో మరొకరు పాలు పంచుకున్న వారు. రంగమార్తాండ బిరుదుతో తనని సత్కరించిన వేదికపైనే నాటక రంగం నుంచి నిష్క్రమించి తను సంపాదించిందంతా వారసులకి కట్టబెడతాడు రాఘవరావు. అక్కడి నుంచి ఆయన జీవితంలో కొత్త అంకం మొదలవుతుంది. ఆ అంకంలో ఎలాంటి అనుభవాలు ఎదురయ్యాయి? రంగస్థలంపై పోషించిన ప్రతిపాత్రనీ రక్తి కట్టించిన రాఘవరావుకి నిజ జీవితం ఎలాంటి పాత్రని ఇచ్చింది? మరి జీవిత నాటకంలో గెలిచాడా లేదా? తదితర విషయాలు తెలియాలంటే సినిమా చూడాల్సిందే.
ఎలా ఉందంటే: నాటకరంగం నేపథ్యంలో సాగే అమ్మానాన్నల కథ ఇది. విశ్రాంత జీవితాన్ని గడుపుతున్న కన్నవాళ్లని ఎలా చూసుకోవాలో, వాళ్లతో ఎలా మెలగాలో చెప్పే పిల్లల కథ. మొత్తంగా నేటి జీవితాల్ని ప్రతిబింబిస్తూ మనసుల్ని తడిచేసే ఓ హృద్యమైన కథ. మరాఠీలో విజయవంతమైన ‘నటసామ్రాట్’కి రీమేక్ అయినా... కృష్ణవంశీ తన మార్క్ తెలుగుదనం, తన మార్క్ పాత్రీకరణ, భావోద్వేగాలతో తీర్చిదిద్దిన సినిమా ఇది. నటులు ఒక్కొక్కరూ ఒక్కో రంగమార్తాండునిలా విజృంభించి తమ పాత్రలకి ప్రాణం పోయగా ప్రేక్షకుల ముందుకొచ్చిన సినిమా ఇది. రాఘవరావు, చక్రపాణి తెరపై కనిపించిన కొద్దిసేపటికే... వాళ్ల జీవితాలతో మమేకమవుతూనే, ప్రేక్షకులు ఎవరి జీవితాల్లోని సంఘటనల్ని వాళ్లు తమ తమ మనోఫలకంపై ఆవిష్కరించుకుంటూ భావోద్వేగాల ప్రయాణం చేస్తారు. థియేటర్ నుంచి బయటికొచ్చాక కూడా ఆ పాత్రలు వెంటాడుతూ వస్తుంటాయి. అంత ప్రభావం చూపిస్తుందీ చిత్రం. రంగస్థలంపై నాటకంలో ఒకొక్క భాగాన్ని ఒక్కో అంకం అని ఎలా పిలుస్తామో... అలా రాఘవరావు జీవితంలోని రెండు ప్రధాన అంకాల్ని చూపించాడు దర్శకుడు. నాటకాల్లో చేయి తిరిగిన రాఘవరావు రంగమార్తాండ అనిపించుకుంటాడు. ఆరోజే రంగస్థలానికి స్వస్తి పలికి కొత్త జీవితాన్ని మొదలుపెడతాడు. (rangamarthanda review) ఇక నటన కాకుండా... జీవిద్దాం అనుకుంటాడు. కానీ, జీవితం మాత్రం ఇదే అతి పెద్ద రంగస్థలం అని చెప్పకనే చెబుతుంది. ఆ క్రమంలో చోటు చేసుకునే సంఘర్షణే సినిమా అంతా.
జీవితమంతా నచ్చినట్టుగా బతికిన రాఘవరావు... ఎదిగిన తన పిల్లల దగ్గర ఇమడలేక సతమతమయ్యే సన్నివేశాలు మనసుల్ని కదిలిస్తాయి. పోనీ రాఘవరావు ఏమైనా ఈతరంతో ఇమడలేని పాతకాలపు చాదస్తపు మనిషా అంటే కాదు. కళాకారుడు సమాజం కంటే ఒక తరం ముందుంటాడనే విషయాన్ని నమ్మి అందుకు తగ్గట్టుగా నడుచుకునే ఆధునిక భావాలున్న మనిషి. అలాంటి మనిషి కూడా పరిస్థితుల ప్రభావంతో సంఘర్షణకి గురయ్యే వైనం ప్రేక్షకుల్ని కట్టిపడేస్తుంది. ఇటు తల్లిదండ్రులు, అటు పిల్లలు... తరాలకి తగ్గట్టుగా ఎవరి ఆలోచనలు వాళ్లవి. ఎవరినీ తప్పు పట్టలేం. అలాంటి పరిస్థితుల మధ్యే సంఘర్షణని సృష్టించడంలో కృష్ణవంశీ విజయం సాధించారు. పాఠశాలలో తెలుగు మాట్లాడిందని తన మనవరాల్ని శిక్షించినప్పుడు... సాంస్కృతిక వేడుకల్లో భాగంగా పిల్లలతో డ్యాన్స్ వేయించినప్పుడు ప్రకాశ్రాజ్ ఆవేశపడి, ఆవేదనకి గురయ్యే సందర్భం మనసుల్ని కదిలిస్తుంది. షేక్స్పియర్ నాటకాలతో పోల్చి తెలుగు నాటకరంగాన్ని తక్కువ చేసి మాట్లాడే సందర్భంలో సన్నివేశాలు సినిమాకి హైలైట్. (rangamarthanda review) పతాక సన్నివేశాల్లో ప్రకాశ్రాజ్, రమ్యకృష్ణ కలిసి రోడ్డు పక్కన నిదురపోయే సన్నివేశాలు మనసుల్ని బరువెక్కిస్తాయి. రాఘవరావు సన్నిహితుడు చక్రపాణి (బ్రహ్మానందం) జీవితం కూడా కథకి కీలకం. భర్త చాటు భార్యగా బతుకుతున్న రాజుగారు (రమ్యకృష్ణ) తన భర్తకి అవమానం ఎదురైనప్పుడు ఆమె పడే వేదన, ఆస్పత్రిలో ప్రకాశ్రాజ్ - బ్రహ్మానందం మధ్య సన్నివేశాలు సినిమాకి ఆయువుపట్టుగా నిలిచాయి. వాణిజ్య ప్రధానమైన సినిమాలకి పెట్టింది పేరైన తెలుగు చిత్ర పరిశ్రమలో... మనసుల్ని తడిచేసి, హృదయాల్ని మెలిపెట్టే సినిమాలు అప్పుడప్పుడు మాత్రమే వస్తుంటాయి. అలాంటి మరో చిత్రమే ఇది. ఇందులో సందేశం నేటితరానికి చాలా అవసరం.
ఎవరెలా చేశారంటే: ప్రకాశ్రాజ్, బ్రహ్మానందం, రమ్యకృష్ణ... ఈ ముగ్గురూ సినిమాకి మూలస్తంభాలు. ప్రకాశ్రాజ్ చాలా రోజుల తర్వాత ఓ బలమైన పాత్రలో కనిపిస్తారు. తనకున్న అనుభవంతో ఆ పాత్రని రక్తికట్టించారు. పద్యాలు, ఆంగ్ల సంభాషణలు, అచ్చ తెలుగు మాటల్ని చెబుతూ ఆ పాత్రకి మరింత వన్నె తీసుకొచ్చాడు. ప్రకాశ్రాజ్ తప్ప మరొకరు చేయలేరనిపించేలా ఉంటుంది రాఘవరావు పాత్ర. బ్రహ్మానందంలోని కొత్త కోణం ఇందులో కనిపిస్తుంది. ఆయన పేరు చెప్పగానే కామెడీ పాత్రలే గుర్తొస్తాయి. కానీ ఆయన ఇందులో హృదయాల్ని బరువెక్కించేలా నటించి ప్రేక్షకుల్ని ఆశ్చర్యపరుస్తారు. రమ్యకృష్ణ ఎక్కువ సంభాషణలు లేకుండా... కళ్లతోనే భావోద్వేగాలు పలికించే పాత్రని చేసింది. రాజుగారూ అంటూ ఆమెను ప్రకాశ్రాజ్ సంబోధించడం, వాళ్లిద్దరి మధ్య అన్యోన్యతని చూస్తే సగటు ప్రేక్షకుడికి వాళ్ల తల్లిదండ్రులు గుర్తుకురాక మానరు. (rangamarthanda review) శివాత్మిక, రాహుల్ సిప్లిగంజ్, అనసూయ, ఆదర్శ్, అలీ రెజా నేటితరం పాత్రల్లో ఒదిగిపోయారు. ఆయా పాత్రలపై బలమైన ప్రభావమే చూపించారు. సాంకేతికంగా సినిమా ఉన్నతంగా ఉంది. ఇళయరాజా సంగీతం సినిమాకి ప్రధాన బలం. పాటలు, నేపథ్య సంగీతం కథలో భాగంగా సాగుతాయి. కెమెరా పనితనం ఆకట్టుకుంటుంది. ఆకెళ్ళ శివప్రసాద్ మాటలు సినిమాకి మరో హైలైట్. నాటకం, జీవితం, సినిమాలపై ఎంతో అవగాహన ఉంటే తప్ప అలాంటి మాటలు రాయలేరు. సినిమా ఆరంభంలో లక్ష్మీభూపాల్ రచనలో చిరంజీవి చెప్పిన షాయిరీ ఆకట్టుకుంటుంది. దర్శకుడు కృష్ణవంశీ మేకింగ్లో ఆయన పట్టుని, అనుభవాన్ని రంగరించి మరో గుర్తుండిపోయే చిత్రాన్ని తెరకెక్కించారు.
బలాలు: + నటీనటుల భావోద్వేగాలు; + బ్రహ్మానందం పాత్ర; + సంగీతం
బలహీనతలు: - తారాబలం లేకపోవడం;- ప్రేక్షకుడి అంచనాకి తగ్గట్టుగా సాగే కథ
చివరిగా...: రంగమార్తాండ... మనసుల్ని హత్తుకునే చిత్రం (rangamarthanda review)
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే?
తాజా వార్తలు (Latest News)
-
ఈ చిట్టితల్లికి కష్టమొచ్చింది!
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?