sampath nandi: గ్రీన్‌ ఇండియా ఛాలెంజ్‌లో సంపత్‌నంది

హైదరాబాద్‌: టాలీవుడ్‌ దర్శకుడు సంపత్‌ నంది గ్రీన్‌ ఇండియా ఛాలెంజ్‌లో పాల్గొన్నారు. ‘సీటీమార్‌’లో నటించిన అమ్మాయిలతో కలిసి హైదరాబాద్‌లో ఆయన మొక్కలు నాటారు. ఆ చిత్రాలను ట్విటర్‌ ద్వారా పంచుకుని సంతోషాన్ని వ్యక్తం చేశారు. ఎంపీ సంతోష్‌ కుమార్‌ ప్రారంభించిన గ్రీన్‌ ఇండియా ఛాలెంజ్‌లో సినీతారలు, రాజకీయ ప్రముఖులు భాగస్వాములవుతున్న విషయం తెలిసిందే. ఇంతటి మహత్తర కార్యక్రమంలో పాల్గొన్నందుకు సంతోషంగా ఉందని ట్విటర్‌లో తెలిపిన సంపత్‌నంది, లక్షల మందిని గ్రీన్‌ ఇండియా ఛాలెంజ్‌లో భాగస్వామ్యులను చేస్తున్నందుకు ఎంపీ సంతోష్‌ కుమార్‌కు ధన్యవాదాలు తెలిపారు. గోపీచంద్‌ హీరోగా తెరకెక్కిన ‘సీటీమార్‌’ సెప్టెంబర్‌ 10 నుంచి థియేటర్లలో కూతకు దిగనుంది. తమన్నా, గోపీచంద్‌లు  ఇందులో కోచ్‌లుగా నటించారు.