Shah Rukh Khan: తనే నా మొదటి ప్రేయసి.. నెటిజన్‌ ప్రశ్నకు షారుక్‌ సమాధానం

ఇంటర్నెట్‌ డెస్క్‌: బాలీవుడ్‌ బాద్‌షా షారుక్‌ ఖాన్‌(Shah Rukh Khan)  ఎప్పుడూ సోషల్‌మీడియాలో యాక్టివ్‌గా ఉంటారు. ఈ కింగ్‌ ఖాన్‌ తాజా చిత్రం ‘పఠాన్‌’(Pathaan). షారుక్‌ సరసన దీపికా పదుకొణె (Deepika Padukone) నటించిన ఈ సినిమా జనవరి 25న ప్రపంచవ్యాప్తంగా విడుదలవ్వనుంది. ఈ నేపథ్యంలో చిత్రబృందం ప్రచారం జోరు పెంచింది. ఇందులో భాగంగా షారుక్‌ ట్విటర్‌లో తన అభిమానులతో ముచ్చటించారు. ఆస్క్‌ ఎస్‌ఆర్‌కే(Ask SRK) అనే హ్యాష్‌ ట్యాగ్‌తో ఫ్యాన్స్‌ అడిగిన ప్రశ్నలకు సమాధానం చెప్పారు.

పఠాన్‌ సినిమాకు ఎంత పారితోషికం తీసుకున్నారు?

షారుక్‌: సినిమాకు అంగీకరించినప్పుడు ఎంత అన్నారో.. అంతే తీసుకున్నా.

మీ కుటుంబం పఠాన్‌ సినిమా చూసిందా? వాళ్ల రియాక్షన్‌ ఏంటి?

షారుక్‌: ఇప్పటి వరకు టెక్నిషియన్స్‌ మాత్రమే పఠాన్ చూశారు. ఇంకెవ్వరూ చూడలేదు. 

మీరు మీ కోపాన్ని ఎలా కంట్రోల్‌ చేసుకుంటారు?

షారుక్‌: నేను నా కోపాన్ని నియంత్రించుకోగలుగుతున్నా. దీన్ని నాకు కాలమే నేర్పింది.

మీకు హాకీ అంటే ఇష్టమేనా? ఒడిశాలో జరిగే హాకీ ప్రపంచకప్‌ చూడటానికి వస్తారా?

షారుక్‌: నాకు రావాలని ఉంది. కానీ పనిలో బిజీగా ఉన్నందు వల్ల రాలేకపోతున్నా

‘పఠాన్‌’లో మీ లుక్‌ కోసం ఎన్నిరోజులు వ్యాయామం చేశారు?

షారుక్‌: 6 నెలలు పట్టింది ఆ లుక్‌ రావడానికి. 

మీ మొదటి ప్రేయసి ఎవరు?

షారుక్‌: నా భార్య గౌరి. తనే నా మొదటి ప్రేయసి. 

సంతోషంగా ఉండాలంటే ఏం చేయాలి?

షారుక్‌: మీ రహస్యాలను, లోపాలను ఎవ్వరితో పంచుకోకండి. అప్పుడు సంతోషంగా ఉంటారు.

‘పఠాన్‌’ షూటింగ్‌ జరుగుతున్నప్పుడు ఎలా అనిపించింది?

షారుక్‌: ఈ సినిమా కోసం చాలా మంది కష్టపడ్డారు. వాళ్లు ఇప్పటికీ పగలు..రాత్రి అనే తేడా లేకుండా పనిచేస్తున్నారు. వాళ్లందరితో షూటింగ్‌ సమయంలో ఎంజాయ్‌ చేశాను.

సిద్ధార్థ ఆనంద్‌ దర్శకత్వంలో నటించడం ఎలా అనిపించింది?

షారుక్‌: చాలా బాగుంది. షూటింగ్‌ సమయమంతా సరదాగా గడిచింది.

2024లో ఎన్ని సినిమాల్లో చూడొచ్చు మిమ్మల్ని?

షారుక్‌: దీనికి సమాధానం మరికొన్ని రోజుల్లో చెబుతాను.