James Bond: మతిపోగొట్టే జేమ్స్బాండ్ సినిమాలివే!
25వ జేమ్స్బాండ్ చిత్రంగా ‘నో టైమ్ టు డై’ విడుదలవుతోంది. గతంలో ఈ సిరీస్లో వచ్చిన సినిమాలు.
బాండ్, జేమ్స్బాండ్, 007, రహస్య గూఢచారి ఎలా పిలిస్తే ఏముంది? ఏ సూపర్ హీరోకూ లేని క్రేజ్ సంపాదించుకుందీ జేమ్స్బాండ్ సిరీస్. సీన్ కానరీ, పియర్స్ బ్రాస్నన్, రోజర్ మూర్, డేనియల్ క్రెగ్ నటుడు ఎవరైతే ఏంటి? దండిగా కాసులు కురిపించే సత్తా ఉన్న మూవీ ఫ్రాంఛైజీగా నిలిచిపోయింది. ఎత్తుకు పైఎత్తులేస్తూ మెరుపు వేగంగా కదిలే బాండ్ ప్రేక్షకులకు పూనకాలు తెప్పిస్తాడు. శత్రువులను మట్టుబెట్టేందుకు చూపించే తెగువతో చూపు తిప్పుకోనివ్వకుండా చేస్తాడు. సీటు చివర కూర్చోబెట్టే సాహసాలతో థియేటరు కొచ్చే ప్రేక్షకుడిని ఉక్కిరిబిక్కిరి చేస్తాడు. అందుకే 50 ఏళ్లైనా బాండ్కున్న బ్రాండ్ చెక్కు చెదరలేదు. 25వ జేమ్స్బాండ్ చిత్రంగా ‘నో టైమ్ టు డై’ విడుదలవుతోంది. ఈ సందర్భంగా గతంలో ఈ సిరీస్లో వచ్చిన సినిమాలేంటి? అవి ప్రేక్షకులను ఎంతమేరకు అలరించాయో చూద్దాం.
తొలి సినిమా నుంచే ప్రభంజనం
ఇయాన్ ఫ్లెమింగ్ పుస్తకాల్లో రాసుకున్న బాండ్ పాత్రకు సీన్ కానరీ ప్రాణం పోశాడు. తొలి జేమ్స్బాండ్గా ప్రేక్షకులకు చిరస్థాయిగా మిగిలిపోయే సినిమాలను అందించాడు. ఈ సిరీస్లో వచ్చిన తొలి చిత్రం ‘డాక్టర్ నో’. ఇయాన్ ప్రొడక్షన్స్ బ్యానర్పై అల్బర్ట్ ఆర్ బ్రోకలి, సాల్జ్మెన్ నిర్మించారు. 1962లో విడుదలైంది. జమైకాలోని బ్రిటీష్ ఏజెంట్ హత్యతో ఆ దేశానికి జేమ్స్బాండ్ పయనమవుతాడు. అక్కడికెళ్లాక అమెరికా అంతరిక్ష ప్రయోగాలను అడ్డుకోవడానికి ప్రయత్నిస్తున్న డాక్టర్ నో గురించి తెలుస్తుంది. ఎలాంటి సాహసాలు చేసి వారి ప్రయత్నాలను అడ్డుకున్నాడనే కథాంశంతో తెరకెక్కిందీ సినిమా. టెరెన్స్ యంగ్ తెరకెక్కించాడు. 1 మిలియన్ డాలర్ల బడ్జెట్తో తెరకెక్కిన ఈ చిత్రం 60 మిలియన్ డాలర్ల వసూళ్లు సాధించింది. మొదటి చిత్రమే ఇంతటి ఘనవిజయం సాధించడంతో రెండో సినిమా ‘టు రష్యా విత్ లవ్’(1963)కి రెట్టింపు బడ్జెట్ కేటాయించారు. అది 80 మిలియన్ డాలర్ల కలెక్షన్లతో ఆశ్చర్యపరిచింది. ఇది కూడా టెరెన్స్ యంగ్ దర్శకత్వంలో తెరకెక్కిందే. మూడో చిత్రం ‘గోల్డ్ ఫింగర్’(1964) చిత్రం 125 మిలియన్ డాలర్లు కొల్లగొట్టింది. దీన్ని హామిల్టన్ తెరకెక్కించారు
సీన్ కానరీ విరామం.. రీ ఎంట్రీ..
జేమ్స్బాండ్ సిరీస్లో వచ్చిన నాలుగో చిత్రం ‘థండర్బాల్’(1965). తొలి రెండు చిత్రాలకు దర్శకత్వం వహించిన టెరెన్స్ యంగ్ మరోసారి మెగాఫోన్ పడితే, బాండ్గా సీన్ కానరీ మళ్లీ అదరగొట్టాడు. 9 మిలియన్ డాలర్ల భారీ బడ్జెట్తో తెరకెక్కిన ఈ చిత్రం, 141 మిలియన్ డాలర్ల కలెక్షన్లు రాబట్టి సినీలోకాన్ని ఆశ్చర్యపరిచింది. వరుసగా నాలుగు సంవత్సరాలు, నాలుగు బ్లాక్ బస్టర్లతో సీన్కానరీ హాలీవుడ్లో తారాస్థాయికి చేరుకున్నాడు. ఆ తర్వాత ‘యూ ఓన్లీ లైవ్ ట్వెస్’(1967)లో నటించాడు. లూయిస్ గిల్బర్ట్ దర్శకుడు. ఏటా పెరుగుతూ వెళ్తున్న వసూళ్లు ఈ చిత్రంతో మాత్రం తగ్గిపోయాయి. 110 మిలియన్ డాలర్లను సాధించి ‘థండర్బాల్’ వసూళ్లతో పోల్చుకుంటే వెనకబడింది. బాండ్గా సీన్కానరీ చివరి చిత్రమని ప్రకటించారు. దీంతో ‘ఆన్ హర్ మెజెస్ట్రీస్ సీక్రెట్ సర్వీస్’(1969) చిత్రానికి కొత్త బాండ్గా జార్జ్ లజెన్బీ అరంగేట్రంగా చేశాడు. ఇయాన్ ఫ్లెమింగ్ నవలలకు అతి దగ్గరగా తీసిన సినిమాల్లో ఇదొకటి. బాక్సాఫీస్ వద్ద మంచి విజయాన్నే అందుకుంది. గత చిత్రాలతో పోల్చితే వసూళ్లు మళ్లీ తగ్గాయి. 82 మిలియన్ డాలర్లను మాత్రమే సాధించి నిర్మాతలను కొంత నిరాశపరిచింది. దీన్ని పీటర్ హంట్ తెరకెక్కించారు. దీంతో మళ్లీ సీన్ కానరీ పేరు తెరపైకొచ్చింది.
నయా బాండ్.. రోజర్ మూర్
ఏడో చిత్రం ‘డైమండ్స్ ఆర్ ఫరెవర్’(1971) చిత్రంతో మరోసారి సీన్ కానరీ జేమ్స్బాండ్గా రీఎంట్రీ ఇచ్చాడు. ప్రేక్షకుల ప్రశంసలతో పాటు, బాక్సాఫీస్ వద్ద భారీ విజయాన్ని అందుకుంది. ఈ సినిమా తర్వాత సీన్ కానరీ శాశ్వతంగా బాండ్ పాత్ర నుంచి విరమించుకున్నాడు. హామిల్టన్ దీన్ని తెరకెక్కించాడు. దీని తర్వాత వచ్చిన మరో రెండు చిత్రాలకు ఆయనే దర్శకత్వం చేశాడు. సీన్ కానరీ తర్వాత మూడో బాండ్గా రోజర్ మూర్ వెండితెరకు పరిచయమై వరసగా ఏడు సినిమాల్లో నటించాడు. ‘లైవ్ అండ్ లెట్ డై’(1973), ‘ది మ్యాన్ విత్ గోల్డెన్ గన్’(1974), సినిమాలు బాక్సాఫీస్ వద్ద మంచి విజయాలు దక్కించుకున్నాయి.
సైన్స్ ఫిక్షన్ కథతో ప్రయోగం
పదో జేమ్స్బాండ్ చిత్రమైన ‘ది స్పై హూ లవ్డ్ మీ’(1977) చిత్రంలో నీటిలోపల వచ్చే సన్నివేశాలు ప్రేక్షకులకు కొత్త థ్రిల్ను పంచాయి. రోజర్ మూర్ తనకు సంతృప్తినిచ్చిన చిత్రమిదేనని చెప్పుకున్నాడు. ఈజిప్ట్, ఇటలీ దేశాల్లో భారీ సెట్లతో చిత్రీకరణ జరుపుకొని నిర్మాతలకు కనకవర్షం కురిపించిందీ సినిమా. అదే ఏడాది వచ్చిన స్టార్ వార్స్ సినిమా జనాలకు విపరీతంగా నచ్చడంతో తరువాత వచ్చిన ‘మూన్రేకర్’(1979)ను బాండ్ చిత్రాలకు భిన్నంగా సైన్స్ ఫిక్షన్ కథాంశాన్ని జోడించి తీశారు. బడ్జెట్ విషయంలో ఎక్కడా వెనకాడలేదు. గత చిత్రానికి రెట్టింపు బడ్జెట్తో తెరకెక్కించారు. విమర్శకుల నుంచి మిశ్రమ స్పందన లభించినప్పటికీ రెండొందల మిలియన్ డాలర్ల మార్క్ను దాటేసిందీ సినిమా. ‘మూన్రేకర్’ ప్రయోగం తర్వాత తదుపరి చిత్రాన్ని మునపటి బాండ్ శైలిలోనే ‘ఫర్ యువర్ ఐస్ ఓన్లీ’(1981) తీసి ప్రేక్షకులకు అందించారు. వసూళ్లు దండిగానే వచ్చాయి.
ఇండియాకి జేమ్స్బాండ్
జేమ్స్బాండ్ ‘ఆక్టోపసీ’(1983) సినిమాకోసం ఇండియాకొచ్చాడు. కథలో భాగంగా రాజస్థాన్ ఉదయ్పుర్లో చిత్రీకరణ జరుపుకుందీ చిత్రం. కబీర్బేడీ ఓ కీలక పాత్రలో నటించడం విశేషం. ఇయాన్ ఫ్లెమింగ్ రాసిన ఓ చిన్నకథ ఆధారంగా తెరకెక్కిన ఈ సినిమాకు ప్రేక్షకుల నుంచి మంచి స్పందన లభించింది. ఆ తర్వాత ‘ఏ వ్యూ టు ఏ కిల్’(1985) వచ్చింది. ఇదే బాండ్గా రోజర్ మూర్ నటించిన చివరి చిత్రం. మొత్తం ఏడు చిత్రాలతో ఎక్కువసార్లు 007గా మెప్పించి ప్రేక్షకుల అభిమానాన్ని చూరగొన్నాడు. ఆ తర్వాత నాలుగో బాండ్గా ‘ది లివింగ్ డే లైట్స్’(1987) తో టిమోతీ డాల్టన్ తెరపైకొచ్చాడు. మిశ్రమ స్పందన లభించినా, వసూళ్లలో ఏమాత్రం తగ్గలేదు.
టైటానిక్తో పోటాపోటీ
జేమ్స్బాండ్గా టీమోతి డాల్టన్ రెండోసారి నటించిన సినిమా ‘లైసెన్స్ టు కిల్’(1989). బాండ్గా ఆయన చివరి చిత్రం కూడా ఇదే. జాన్ గ్లెన్ దర్శకుడు. ఇంగ్లాండ్లో ఒక్క సీన్ కూడా షూటింగ్ జరుపుకోని మొదటి చిత్రమిదే. ‘లైసెన్స్ టు కిల్’ విడుదలయ్యాక మరో బాండ్ సినిమా రావడానికి ఆరేళ్ల సమయం పట్టింది. ఐదో బాండ్గా పియర్స్ బ్రాస్నన్ తెరపైకొచ్చాడు. ‘గోల్డెన్ ఐ’ సినిమా (1995)లో రహస్య గూఢచారిగా దుమ్ము దులిపి దంచికొట్టాడు. సుదీర్ఘ విరామం తర్వాత వచ్చిన బాండ్కున్న బ్రాండ్ వాల్యూ ఏమాత్రం తగ్గలేదని నిరూపించిందీ సినిమా. ఏకంగా 350 మిలియన్ డాలర్ల వసూళ్లు సాధించి హాలీవుడ్ను ఆశ్చర్యపరిచింది. ఆ తర్వాత వచ్చిన ‘టు మారో నెవర్ డై(1997), టైటానిక్ చిత్రాలు ఒకే సమయంలో విడుదలవడంతో వసూళ్లు కొంతమేర తగ్గాయి. లేదంటే మరిన్ని కలెక్షన్లు రాబట్టేవాడని విశ్లేషకుల అంచనా.
క్రెగ్పై విమర్శలు.. ప్రశంసలు
పియర్స్ బ్రాస్నన్ ‘వరల్డ్ ఈజ్ నాట్ ఎనఫ్’(1999) కోసం ఎంచుకున్న కథాంశం విమర్శలు ఎదుర్కొంది. అయినా మంచి వసూళ్లే దక్కించుకుంది. రాబర్ట్, నీల్ పుర్విస్లు రాసిన సొంత కథతో ఇది తెరకెక్కింది. మైఖేల్ ఆప్టెడ్ దీన్ని తెరకెక్కించారు. పియర్స్ బ్రాస్నన్ బాండ్గా నటించిన చివరి చిత్రం ‘డై అనదర్ డే’. 2002లో విడుదలైన ఈ చిత్రం నాలుగు వందల మిలియన్ డాలర్ల మార్క్ను దాటింది. పియర్స్ బ్రాస్నన్ తప్పుకొన్నాక కొత్త బాండ్ కోసం భారీ ఎత్తున అన్వేషణ జరిగింది. పలువురు హాలీవుడ్ తారల పేర్లు తెరపైకొచ్చాయి. డేనియల్ క్రెగ్ను కొత్త జేమ్స్బాండ్గా ప్రకటించాక విమర్శకులు విరుచుకుపడ్డారు. 2006లో ‘కాసినో రాయల్’ విడుదలయ్యాక తన నటనతో విమర్శలకు ఫుల్స్టాప్ పెట్టాడు క్రెగ్. మార్టిన్ కాంప్బెల్ ఈ సినిమాకు దర్శకుడు. సుమారు 600 మిలియన్ డాలర్ల వసూళ్లు సాధించింది.
కలెక్షన్ల ప్రవాహం
‘క్వాంటమ్ ఆఫ్ సోలెస్’(2008),‘ స్కైఫాల్’(2012), ‘స్పెక్టర్’(2015) చిత్రాలతో నయా బాండ్గా సంచలనాలు సృష్టించాడు క్రెగ్. మొత్తం ఐదు చిత్రాల్లో బాండ్గా చేశాడు. విడుదలైన నాలుగు సినిమాలు 3 బిలియన్ డాలర్లకు పైగా వసూళ్లు రాబట్టాయి. ‘స్కైఫాల్’ సినిమా ఏకంగా 1 బిలియన్ డాలర్ల మార్కుని దాటి బాండ్ సినిమాల్లో అత్యధికంగా వసూళ్లు సాధించిన చిత్రంగా రికార్డు సృష్టించింది. ‘నో టైమ్ టు డై’తో ఐదో సారి బాండ్గా పలకరించేందుకు వస్తున్నాడు క్రెగ్. ఇప్పటికే విడుదలైన ట్రైలర్లు అదిరిపోయే యాక్షన్ సీన్లు, స్టంట్లతో ఆసక్తిని రేకెత్తిస్తున్నాయి. డేనియల్ క్రెగ్ తన చివరి చిత్రమని చెప్పడంతో నెక్ట్స్ ఎవరనే చర్చ ఇప్పటికే మొదలైంది. తరువాత వచ్చే బాండ్ ఎవరైనా కానీ, ఆ బ్రాండ్ చెదిరేది కాదని చెప్పుకొంటున్నారు అభిమానులు. ‘ది నేమ్ ఈజ్ బాండ్.. జేమ్స్బాండ్’ డైలాగ్ మళ్లీ వెండితెర మీద ఏ మేరకు అలరిస్తుందో తెలియాలంటే సెప్టెంబర్ 30 దాకా వేచి చూడాల్సిందే.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
శ్రుతిహాసన్ అతడికి బ్రేకప్ చెప్పేశారా..?
తన ప్రియుడు శాంతనుకు నటి శ్రుతిహాసన్ (Shruti Haasan) బ్రేకప్ చెప్పారంటూ నెట్టింట వార్తలు చక్కర్లు కొడుతున్నాయి. -
ప్రేమపై చిన్నప్పటినుంచే నమ్మకముంది: అదితీరావ్ హైదరీ
ప్రేమపై తనకు చిన్నప్పటి నుంచే నమ్మకముందని నటి అదితిరావ్ హైదరీ (Aditi Rao Hydari) తెలిపారు. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
మమ్ముట్టి అద్భుతంగా నటించారు: విద్యాబాలన్
మమ్ముట్టి (Mammootty) ప్రధాన పాత్రలో నటించిన ‘కాదల్.. ది కోర్’ (Kaathal The Core)ను ఉద్దేశించి నటి విద్యాబాలన్ (Vidya Balan) ఆసక్తికర వ్యాఖ్యలు చేశారు. ఆ చిత్రం తనకెంతో నచ్చిందన్నారు. -
ఓటీటీలోకి యాక్షన్ థ్రిల్లర్ ‘యోధ’.. ప్రస్తుతానికి అద్దె ప్రాతిపదికన..
సిద్ధార్థ్ మల్హోత్రా-రాశీఖన్నా ప్రధానపాత్రలో నటించిన చిత్రం ‘యోధ’ ఓటీటీలోకి వచ్చేసింది. -
‘ఫ్రీజింగ్ ఎగ్స్’ విధానం మంచిదే: మృణాల్ ఠాకూర్ ఆసక్తికర వ్యాఖ్యలు
‘ఫ్రీజింగ్ ఎగ్స్’ విధానంపై తాను సుముఖంగా ఉన్నట్లు నటి మృణాల్ ఠాకూర్ (Mrunal Thakur) చెప్పారు. -
పెళ్లి గౌనును రీమోడల్ చేయించిన సమంత.. ఫొటోలు వైరల్
నటి సమంత (Samantha) మరోసారి వార్తల్లో నిలిచారు. తన పెళ్లి గౌనును రీ మోడలింగ్ చేయించడం చర్చకు దారి తీసింది. -
విజయ్ ‘ఫ్యామిలీ స్టార్’ ఓటీటీలోకి వచ్చేసింది.. స్ట్రీమింగ్ ఎక్కడంటే?
విజయ్ దేవరకొండ, మృణాల్ ఠాకూర్ జంటగా నటించిన చిత్రం ‘ఫ్యామిలీ స్టార్’ ఓటీటీలో స్ట్రీమింగ్ అవుతోంది. -
పాటల హంగామా..
ఈ వేసవిలో అగ్ర తారల సినిమాల జోరు కనిపించలేదు. మే నుంచైనా హడావుడి మొదలవుతుందేమో అనుకుంటే, ఇంకాస్త ఆలస్యం అనే సంకేతాలు వస్తున్నాయి. ‘పుష్ప2’ మినహా మరే సినిమా విడుదల తేదీని ఖరారు చేయలేదు. -
అజిత్ సరసన శ్రీలీల?
అగ్ర కథానాయకులతో వరుసగా జట్టు కడుతున్న శ్రీలీల.. ఈసారి తమిళ టాప్ హీరో అజిత్తో ఆడిపాడటానికి సిద్ధమవుతోంది. ‘గుడ్ బ్యాడ్ అగ్లీ’ అనే చిత్రంలో ఆయన సరసన నటించనుందని సమాచారం. -
ప్రభాస్తో కియారా?
‘సలార్ 2’ని పట్టాలెక్కించేందుకు రంగం సిద్ధమవుతోంది. జూన్లో లేదా జులైలో ప్రభాస్ రంగంలోకి దిగనున్నట్టు తెలుస్తోంది. ఈ దశలోనే ఈ సినిమాకి సంబంధించిన పలు ఆసక్తికరమైన విషయాలు వినిపిస్తున్నాయి. -
ముంబయిలో కుబేర
ధనుష్, నాగార్జున అక్కినేని ప్రధాన పాత్రధారులుగా తెరకెక్కుతున్న చిత్రం ‘కుబేర’. రష్మిక కథానాయిక. శేఖర్ కమ్ముల దర్శకత్వం వహిస్తున్నారు. అమిగోస్ క్రియేషన్స్ సంస్థతో కలిసి శ్రీ వెంకటేశ్వర సినిమాస్ పతాకంపై సునీల్ నారంగ్, పుస్కూర్ రామ్మోహన్రావు నిర్మిస్తున్నారు. -
ఇళయరాజా కేసులో ట్విస్ట్
పాటలకు గీత రచయిత కూడా హక్కు కోరితే ఏమవుతుందని సంగీత దర్శకుడు ఇళయరాజా వ్యవహారంలో మద్రాసు హైకోర్టు ప్రశ్నించింది. కాపీరైట్ గడవు ముగిసినా, తన పాటలను ఇంకా వాడుకుంటున్నారంటూ ఎకో, ఏఐజీ మ్యూజిక్ కంపెనీలపై సంగీత దర్శకుడు ఇళయరాజా దాఖలు చేసిన పిటిషన్పై విచారణ సందర్భంగా న్యాయస్థానం ఈ వ్యాఖ్యలు చేసింది. -
హాయైన వినోదంతో ‘ఏం చేస్తున్నావ్’
కథాబలం ఉన్న సినిమాలతో ఈటీవీ విన్ ప్రేక్షకులకు పసందైన వినోదాన్ని పంచుతోంది. ‘#90s’ మొదలుకొని వినూత్నమైన సినిమాలు వరుసగా ఈ వేదికలో సందడి చేస్తున్నాయి. తాజాగా ఆ జాబితాలోకి ‘ఏం చేస్తున్నావ్’ చేరింది. -
పెళ్లి సమస్యని వినోదాత్మకంగా చూపించాం
‘‘వినోదం, ప్రేమ, కుటుంబ భావోద్వేగాలు.. ఇలా అన్నీ ఉన్న చిత్రం ‘ఆ.. ఒక్కటీ అడక్కు’. తప్పకుండా ఇది అందరికీ కనెక్ట్ అయ్యేలా ఉంటుంద’’న్నారు నిర్మాత రాజీవ్ చిలక. ఆయన నిర్మాణంలో అల్లరి నరేశ్ హీరోగా మల్లి అంకం తెరకెక్కించిన చిత్రమే ‘ఆ.. ఒక్కటీ అడక్కు’. -
ముగిసిన కీర్తి తొలి హిందీ చిత్రం
ఆచితూచి కథల్ని ఎంచుకుంటూ.. అన్ని భాషా చిత్రాల్లోని సినీప్రియుల్ని మెప్పిస్తోంది కథానాయిక కీర్తి సురేశ్. దక్షిణాదిలో ఇప్పటికే తానేంటో నిరూపించుకున్న ఈ భామ.. ‘బేబీ జాన్’తో బాలీవుడ్లోనూ అడుగు పెట్టింది. -
తారల మెరుపులు షురూ
అగ్ర కథానాయకుడు ఆమిర్ఖాన్ ‘లాల్సింగ్ చద్ధా’ పరాజయం తర్వాత అభిమానులు, పరిశ్రమవర్గాల చూపంతా ‘సితారే జమీన్ పర్’పైనే ఉంది. దీన్ని ఆర్.ఎస్.ప్రసన్న తెరకెక్కిస్తున్నారు. -
ఇన్నాళ్లకు కల నెరవేరింది
‘విలన్ పాత్రలు చేయాలని ఎప్పట్నుంచో నా కోరిక. మా నాన్న శత్రుఘ్నసిన్హా కెరీర్ తొలినాళ్లలో ప్రతినాయకుడిగానే మెప్పించారు. ఇన్నాళ్లకు ‘హీరామండి: ది డైమండ్ బజార్’తో నా కల నెరవేరింది. -
స్పై యాక్షన్ కామెడీతో...
గతేడాది ‘డ్రీమ్గర్ల్ 2’తో మంచి విజయాన్ని అందుకున్న బాలీవుడ్ కథానాయకుడు ఆయుష్మాన్ ఖురానా.. ఇప్పుడో సరికొత్త సినిమాతో ప్రేక్షకుల ముందుకు రావడానికి సిద్ధమవుతున్నాడు. తాజాగా ఆయన కరణ్ జోహార్ నిర్మిస్తున్న ఓ స్పై కామెడీ చిత్రంలో నటిస్తున్నట్లు సమాచారం. -
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
అక్షయ్కుమార్, పంకజ్ త్రిపాఠి కీలక పాత్రల్లో నటించిన ‘ఓఎంజీ2’ తెలుగు వెర్షన్ ఇప్పుడు స్ట్రీమింగ్కు తీసుకొచ్చింది జియో సినిమా.
తాజా వార్తలు (Latest News)
-
ఆ ఇద్దరికి పగలంతా నిద్ర.. రాత్రంతా జాగారం: వసీమ్ అక్రమ్
-
నన్ను హత్య చేసేందుకు కుట్ర: సీబీఐ మాజీ జేడీ లక్ష్మీనారాయణ
-
5 రోజుల వరుస లాభాలకు బ్రేక్.. 600 పాయింట్లు కోల్పోయిన సెన్సెక్స్
-
రవి కిషన్కు ఊరట.. డీఎన్ఏ టెస్టుకు కోర్టు నిరాకరణ
-
ప్రపంచకప్నకు టీమ్ ఇండియా... రోహిత్, విరాట్కి కాకుండా అతనికే ఎక్కువ ఓట్లు!
-
శ్రుతిహాసన్ అతడికి బ్రేకప్ చెప్పేశారా..?