Bandla Ganesh: చిరు సర్‌.. బాగా చెప్పారు: బండ్ల గణేశ్‌

హైదరాబాద్‌: తెలుగు చిత్ర పరిశ్రమకు తాను పెద్దగా వ్యవహరించాలనుకోవడం లేదంటూ అగ్రకథానాయకుడు చిరంజీవి చేసిన వ్యాఖ్యలు ప్రస్తుతం చర్చనీయాంశంగా మారాయి. తెలుగు సినీ కార్మికులకు హెల్త్‌ కార్డులు పంపిణీ నిమిత్తం చిరంజీవి ఛారిటబుల్‌ ట్రస్ట్‌ ఆధ్వర్యంలో ఆదివారం ఓ కార్యక్రమం జరిగింది. అందులో భాగంగా చిరు మాట్లాడుతూ.. సినీ పరిశ్రమ పెద్ద దిక్కు హోదాని సున్నితంగా తిరస్కరించారు. తాను ఇండస్ట్రీకి పెద్ద దిక్కుగా ఉండాలనుకోవడం లేదని.. ఆ హోదా తనకస్సలు వద్దని.. బాధ్యత కలిగిన పరిశ్రమ బిడ్డగా అవసరమైన సమయంలో ముందుంటానని అన్నారు.

‘మా’ ఎన్నికల అనంతరం సినీ పరిశ్రమలో నెలకొన్న పరిస్థితుల నేపథ్యంలో చిరంజీవి చేసిన తాజా వ్యాఖ్యలు హాట్‌ టాపిక్‌గా మారాయి. ఈ నేపథ్యంలో ఆ వ్యాఖ్యలపై నిర్మాత బండ్లగణేశ్‌ స్పందించారు. చిరు వ్యాఖ్యలను సమర్థించారు. ఈ మేరకు చిరు వ్యాఖ్యలను ట్విటర్‌ వేదికగా షేర్‌ చేసిన గణేశ్‌.. ‘‘సూపర్‌ సర్‌.. బాగా చెప్పారు’’ అని అన్నారు.

► Read latest Cinema News and Telugu News