Seetimarr: ‘సీటిమార్‌’కి సిద్ధం కండి..!

హైదరాబాద్‌: ప్రేమ, కుటుంబకథా చిత్రాల్లో నటించి మెప్పించిన హీరో గోపీచంద్‌ మొదటిసారి స్పోర్ట్స్‌ డ్రామాలో అలరించనున్నారు. ఆయన కథానాయకుడిగా నటించిన చిత్రం ‘సీటిమార్‌’. సంపత్‌ నంది దర్శకత్వం వహించిన ఈ సినిమాలో గోపీచంద్‌ కబడ్డీ కోచ్‌గా కనిపించనున్నారు. యాక్షన్‌ ఎంటర్‌టైనర్‌గా రూపుదిద్దుకున్న ఈ చిత్రాన్ని సెప్టెంబర్‌ 3న ప్రేక్షకుల ముందుకు తీసుకురానున్నట్లు చిత్రబృందం సోమవారం అధికారికంగా ప్రకటించింది. ‘గౌతమ్‌నంద’ తర్వాత సంపత్‌నంది-గోపీచంద్‌ కాంబినేషన్‌లో వస్తోన్న రెండో చిత్రమిది. ఇందులో తమన్నా జ్వాలారెడ్డి పాత్ర పోషించారు. దిగంగనా సూర్యవంశీ, భూమిక, రావురమేశ్‌, పోసాని కృష్ణ మురళీ కీలకపాత్రల్లో కనిపించనున్నారు. శ్రీనివాస సిల్వర్‌ స్క్రీన్‌ పతాకంపై ఈ సినిమా నిర్మితమవుతోంది. మణిశర్మ స్వరాలు అందిస్తున్నారు.